Monday, February 27, 2017

Video: Siku ya Sheria ilivyofana Rukwa


Mh. Zelote awaasa wanafunzi kujiepusha na madawa ya Kulevya

Mkuu wa Mkoa wa Rukwa Kamishna Mstaafu Zelote Stephen amewaasa wanafunzi wa shule za sekondari juu ya kujiepusha na matumizi ya madawa ya kulevya baada ya kutembelea shule za sekondari katika ziara yake ya kukagua miradi mbalimbali ya kimaendeleo katika Wilaya ya Sumbawanga.



Mh. Zelote akutana na wathibiti ubora wa shule kujua chanzo cha kushuka kwa elimu Rukwa

Mkuu wa Mkoa wa Rukwa Kamishna Mstaafu Zelote Stephen amekutana na wathibiti ubora wa shule wa halmashauri nne za Mkoa wa Rukwa kujua changamoto wanazokumbana nazo na mambo yanayopelekea kushuka kwa elimu katika Mkoa.

Mh.Zelote alifikia uamuzi wa kuwaita wathibiti hao baada ya Mkoa wa Rukwa kushuka kielimu kutoka nafasi ya 6 mwaka 2015 hadi nafasi ya 12 kati ya Mikoa 31 kwa mwaka 2016 kwa mitihani ya kidato cha 4, na pia kuteremka katika mitihani ya kidato cha pili kutoka nafasi ya 20 kwa mwaka 2015 hadi nafasi ya 21 kwa mwaka 2016. 

Wathibiti hao walielezea sababu kede kede zilizopelekea kushuka kwa kiwango cha elimu katika Mkoa wa Rukwa na kusema kuwa miongoni mwa sababu hizo ni kutopewa mrejesho wa taarifa za kila wiki wanazoziandika na kukabidhi kwa wakurugenzi wa halmashauri na wakuu wa wilaya.

“Toka Mwezi July mwaka jana tumeshaandika ripoti nyingi tu zinazoelezea mapungufu kama vile, upungufu wa waalimu kwa baadhi ya masomo, matundu cha vyoo, vitabu vya kusomea, nakadhalika lakini hakuna hata mrejesho tunaoupata kutoka kwa Mkurugenzi,” Goreth Ntulo alieleza.

Kwa upande mwingine sababu zinazokwamisha ufanisi wa kazi za wathibiti hao wanadai kutopewa motisha na mwajiri wao na kuwasababisha kuishi katika maisha magumu.

“Mimi sijawahi kwenda likizo kwa fedha ya serikali tangu nianze kufanya kazi na madarasha hatupandishwi n ahata ukipandishwa inabaki jina tu lakini mshahara upo pale pale na kuapata hiyo fedha ya daraja ulilopandishwa ni kazi kubwa ya kukatisha tamaa,” Mmoja wa wathibiti hao Mama Jairo alifafanua.

Nae Mkuu wa Mkoa baada ya kusikiliza malalamiko hayo aliwaagiza wakurugenzi wote kuhakikisha kwamba wadhibiti hao wanapatiwa mrejesho juu ya kasoro walizozibaini baada ya kufanya ukaguzi katika mashule yao.


“Kwani hizi shule ni za nani?, Si ni za wakurugenzi, sasa naagiza wakurugenzi wote wawe wanatoa mrejesho kwenu ili muweze kujua ni lipi linawezekana kurekebishika na kwa kipindi gani na nili lipi haliwezekani ili Mkae mkijua, bila ya hivyo itakuwa haina maana nyinyi kufanya ukaguzi halafu ripoti zikarundikwa kwenye madroo,” Zelote Stephen alikazia.

Pia Mkuu wa Mkoa alisisitiza kuwa wakati wakaguzi hao wanawapa wakurugenzi ripoti hizo wahakikishe kuwa wanawapa na “dead line” na wakurugenzi wazingatie, waheshimu na kuthamini mchango wao na kuwapa mrejesho kwa muda waliokubaliana.

“Kama mlikuwa na uwoga muondoe ofisi hii itawapa sapoti, na mkae mkijua kuwa tunawathamini sana maana kupitia nyinyi tunajifunza mengi sana ambayo ndio yanatupa mpango mkakati wa kuhakikisha tunapeleka elimu mbele,” Zelote Stephen aliwahakikishia.

Mmoja wa wadhibiti hao Pracida Rwegasira alitoa shukrani zake za dhati kwa Mkuu wa Mkoa wa Rukwa kwa kuchukua uamuzi wa kuwaita ili kutoa mchango wao katika kupeleka sekta ya elimu mbele na kuongeza kuwa tokea aanze kazi hiyo hawajawahi kuitwa na Mkuu wa Mkoa.

Nae Katibu Tawala wa Mkoa Tixon Nzunda aliahidi kutetea haki zao za kiutumishi na kuwa sauti ya kwa Katibu Mkuu wa Wizara ya Elmu.



Sunday, February 26, 2017

Dk. Haule atoa taarifa fupi ya miradi ya maendeleo wilaya ya Sumbawanga



Video: Mkuu wa Wilaya ya Sumbawanga Dk. Halfana Haule akitoa taarifa fupi ya Miradi ya Maendeleo y Wilaya ya Sumbawanga mbele ya Mkuu wa Mkoa wa Rukwa Kamishna Mstaafu Zelote  Stephen  kabla ya Mkuu wa Mkoa kuanza Ziara kuiona miradi hiyo.

Wananchi Ntendo wamuomba Mh. Zelote Stephen awatetee walipwe fidia

Wananchi wa Kijiji cha Ntendo wamuomba Mkuu wa Mkoa wa Rukwa Kamishna Mstaafu Zelote Stephen awatetee ili wapate fidia kwa nyumba zilizowekewa alama ya "X" nyekundu kwa madai ya kuwa barabara hiyo imekikuta kijiji na sio kijiji kuikuta barabara.


Mh. Zelote Stephen aagiza Dosari zirekebishwe ujenzi wa barabara ya Ntendo - Muze

Mkuu wa Mkoa wa Rukwa amishna Mstaafu Zelote Stephen amemuagiza Meneja wa TANROAD Mkoa Eng. Masuka Mkian kusimamia kwa makini ujenzi wa barabara ya Ntendo - Muze ili kuepuka kurudia ujenzi wa barabara hiyo na kupoteza pesa za serikali.

Ameyasema hayo alipofanya ziara ya kukagua miradi mbalimbali ya maendeleo ikiwemo barabara za Kalambazite - ilemba, Miangalua - Kipeta, Mtowisa - Ilemba,  Kasansa - Muze, Kaoze - Kilyamatundu, na Ilemba - Kaoze.

Mh. Zelote amewataka TANROADS kuwa makini na pia kufanya kazi na wakandarasi ambao ni waaminifu wasiowababaishaji ili kutolipua ujenzi wa barabara hizo na kuisababishia serikali hasara na kuwapa tabu wananchi wanaozitegemea barabara hizo katika kukuza uchumi wao.









Mh. Zelote awatahadharisha waalimu wakuu juu ya matumizi ya P4R

Video: Shule ya Sekondari Mpui

Video: Shule ya Sekondari Mazoka

"Kama ofisi ya Serikali haijapandwa miti utawashawishi vipi wananchi," Mh. Zlote Stephen

Mkuu wa Mkoa wa Rukwa Kamishna Mstaafu Zelote Stephen amemuagiza Katibu Tawla wa Wilaya ya Sumbawanga Kumchukulia Hatua Afisa Tarafa wa Tarafa ya Mpui kwa kukaidi agizo lake la kupanda miti wakati alipomtembelea ofisi hapo mwezi wa 9 mwaka jana. 

Mkuu wa Mkoa amekuwa akiwasisitiza watendaji wa serikali kuhakikisha kuwa wanakuwa mfano katika jamii ili kuweza kuishawishi jamii katika kampeni ya kupanda miti ili kuuepusha Mkoa wa Ruwa kuwa jangwa 


RC Rukwa ataka Mradi wa Maji Sakalilo utumiwe kuzalisha mazao zaidi

Mkuu wa Mkoa wa Rukwa Kamishna Mstaafu Zelote Stephen amewataka maafisa kilimo na umwagiliaji kuhakikisha wanatoa elimu a kutosha kwa wakulima ili kuweza kuutumia vizuri mradi wa maji katika kijiji cha Sakalilo, Wilaya ya Sumbawanga kwa kufanya kilimo cha umwagiliaji na kuzalisha mazao mengi zaidi


TANROADS Kujenga daraja mto Momba kuunganisha Rukwa na Songwe