Tuesday, December 25, 2012

MKUU WA MKOA WA RUKWA ATOA CHAKULA CHA KRISMAS NA MWAKA MPYA KWA WAFUNGWA NA WATOTO YATIMA PAMOJA NA KUSKILIZA KERO ZAO

Mkuu wa Mkoa wa Rukwa Injinia Stella Manyanya akikabidhi zawadi za skukuu ya krismas na mwaka mpya 2013 kwa watoto yatima wa kituo cha Bethania mjini Sumbawanga. Katika msimu huu wa Skukuu Mkuu huyo wa Mkoa ameamua kusherehekea kwa kuwatembelea watoto yatima na wafungwa wa gereza mahabusu Sumbawanga na gereza la Mollo kwa kuwapa chakula cha skukuu pamoja na kuskiliza kero zao mbalimbali. Zawadi alizotoa ni Mbuzi, Mchele pamoja na sabuni za kufulia kwa watoto yatima wa kituo cha Bethania vikiwa na thamani ya Tsh. 380,000/=
 
Mkuu wa Mkoa wa Rukwa Injinia Stella Manyanya akiwa kwenye picha ya pamoja na watoto yatima wa kituo cha Bethania Mjini Sumbawanga waliofaulu na kuchaguliwa kujiunga na kidato cha kwanza mwaka 2013 katika shule mbalimbali Mkoani Rukwa. Mkuu huyo wa Mkoa ameahidi kugharamia masomo yao kwa kidato cha kwanza na sare za shule pamoja na vitendea kazi vingine. Kulia ni Kaimu Katibu Tawala wa Wilaya ya Sumbawanga Ndugu Festo Chonya akimuwakilishha Mkuu wa Wilaya hiyo Ndugu Methew Sedoyyeka.

Mkuu wa Mkoa wa Rukwa Injinia Stella Manyanya akiwa kwenye picha ya pamoja na baadhi ya watoto yatima wa kituo cha Bethania Mjini Sumbawanga alipowatembelea kuwafariji kwa chakula katika msimu huu wa sikukuu.
 
Mkuu wa Mkoa wa Rukwa akizungumza na watoto yatima wa kituo cha Bethania, kulia ni Mkuu wa kituo hicho Ndugu Emmanuel Mwampimbwe. Mkuu huyo wa Mkoa aliagiza watoto yatima katika kituo hicho pamoja na vituo vingine watambuliwe na watengenezewe vitambulisho vitakavyowawezesha kupatiwa huduma bure katika hospitali za Serikali Mkoani Rukwa.

Ndugu ASP. A. Kimati akisoma taarifa ya gereza la Mollo kwa Mkuu wa Mkoa wa Rukwa Injinia Stella Manyanya alipotembelea gereza hilo jana kutoa salamu na chakula cha sikukuu kwa wafugwa wa gereza hilo na kuskiliza kero zao mbalimbali. Mkuu huyo wa Mkoa alipokea kero mbalimbali kutoka kwa wafugwa 195 wa gereza hilo ikiwemo uhaba wa sare za wafungwa, wafugwa kutopewa nakala za hukumu zao, kesi zao kusikilizwa kwa kiswahili lakini hukumu kuandikwa kiingereza, kutokukubalika kwa dhamana zao, kutokuwepo kwa hakimu katika Wilaya ya Nkasi, na baadhi ya kesi kuchelewa kuskilizwa.  
 
Mkuu wa Mkoa wa Rukwa Injinia Stella Manyanya akijumuisha ziara yake gerezani Mollo kwa kuzungumza na viongozi wa Jeshi la Polisi na Jeshi la magereza Mkoani humo ambapo aliahidi kufuatilia kero zote zilizowasilishwa kwa kushirikiana na pande zinazohusika kuhakikisha zinapatiwa ufumbuzi. Alisema kuwa ataendelea kuweka msukumo wa ujenzi wa mahakama za Nkasi na Wilaya mpya ya Kalambo. Aidha aliutaka uongozi wa gereza hilo kufyatua matofali kwa ajili ya ujenzi wa mabweni ya wafungwa katika gereza hilo ambapo yeye atasaidia upatikanaji wa mabati na vifaa vingine vya madukani, kwa sasa mabweni yanayotumika katika gereza hilo ni ya mabati magumu ambayo kutokana na hali ya hewa ya maeneo hayo kunakuwa na baridi kali kwenye msimu wa baridi. 

Sunday, December 23, 2012

MAKALA YETU-KWANINI WENGI WETU NDOTO ZETU ZA MAFANIKIO HAZITIMII

Tamaa ya mafanikio katika maisha ni safari ndefu. Kwa wengi wetu ni safari ya kudumu. Kila mara tunataka zaidi. Tunataka kuwa kama fulani au fulani.Tunatamani kuwa na kiasi cha fedha kama au kuliko fulani. Kuwa na mke au mume mzuri na mwenye heshima kama fulani. Na kwa wale ambao maisha yao huendeshwa na tamaa za kuwa maarufu basi kila leo huwa wanataka kuwa kama mwanamuziki,muigizaji filamu,mwanasiasa fulani na vitu kama hivyo.
Mafanikio
Ingawa ni vigumu sana kwa binadamu kufikia mahali ambapo anaweza kusema kwamba amesharidhika vya kutosha na alichonacho na hataki nyongeza yeyote zaidi, yawezekana kabisa mtu akafikia mahali pa kuridhisha ingawa hiyo haimaanishi kwamba akipata nafasi ya kupata zaidi hatoitumia. Hapa tunaweza kusema mtu anakuwa ameridhika kwa kiasi cha hali ya juu.

Lakini kwanini basi baadhi yetu tunashindwa kufikia japo robo tu ya mafanikio tunayoyatamani? Ni mambo gani yanatukwamisha? Leo nimeona tuongelee kidogo sababu kadhaa ambazo zinatufanywa wengi wetu tukwame na hata kuishia kulaumu watu wengine bila kutambua kwamba yawezekana sababu sio ukosefu wa elimu ya kutosha,mtaji wala chochote kile bali sisi wenyewe;
  • Hujiamini vya kutosha: Ukijaribu kuangalia au kufuatilia maisha ya watu ambao sote tunaamini kwamba wana mafanikio zaidi yetu utagundua jambo moja muhimu;Wanajiamini. Wanaamini kwamba wanalo jambo au mambo ya msingi wanayoweza kuchangia katika jamii. Wanajiamini na wana madhumuni ya makusudi kuhakikisha kwamba jamii itawakumbuka. Watu hao pia huwa ni wajuzi wa kuketi chini wakajikosoa wenyewe na kisha kusonga mbele zaidi na zaidi.
    Je wewe hapo ulipo una kitu gani cha kipekee? Unayo maarifa au ujuzi (skill or talent) gani maalumu ambao hujaufanyia kazi kwa sababu ya kutojiamini tu? Kwanini usiamke leo ukaanza kujiamini zaidi kisha uone jinsi utakavyobadilisha muelekeo?

  • Hujui malengo yako: Hili ni tatizo kubwa miongoni mwetu. Tunafanya mambo mengi bila malengo maalumu.Akitokea mtu akakuuliza kuhusu malengo yako hapa duniani na kisha ukapatwa na kigugumizi,ujue pana tatizo hapo. Ni kwa sababu hujawahi kuketi chini na kuandika malengo yako. Matokeo yake ni kwamba kila kukicha unarukia lengo tofauti. Ni muhimu ukawa na uhakika na malengo yako.Nashauri uyaandike mahali.Ukishaandika nenda kwenye hatua ya pili ambayo ni kupanga jinsi ya kutimiza malengo yako. Yawezekana una malengo ya kuwa tajiri wa mali,kuwa mke au mume bora,kuwa na afya njema,kuwa na kazi nzuri au kufanya vizuri katika biashara. Vyovyote vile,ni lazima uwe na malengo ya uhakika.Unaweza kuyarekebisha malengo yako inapobidi. Lakini cha msingi hapa ni kujiuliza;una malengo gani hapa duniani?Una mpango gani katika kuyatimiza?

  • Umeridhika kupita kiasi na ulichonacho: Binadamu tuna tabia ya kuridhika. Hilo sio jambo baya. Linakuwa baya pale kuridhika kwetu kunapotufanya tushindwe kuendelea mbele zaidi,kupata zaidi ili pengine kusaidia watu wengi zaidi.
    Wengine hufikia hata hatua ya kujiuliza; kwanini nijisukume mbele zaidi wakati tayari nafanya vizuri hapa nilipo? Kwanini nifungue duka lingine wakati hili nililonalo tayari lina wateja wa kutosha? Wakutosha??Jiulize tena. Watu wanaofanikiwa zaidi hufanya zaidi. Huwa wanajaribu zaidi. Wanakabiliana na mitihani migumu zaidi. Jiulize; umeridhika kupita kiasi na hapo ulipo,ulichonacho? Kwanini usijaribu zaidi?

  • U-mvivu: Uliwahi kusikia uvivu ni adui kwa ujenzi wa taifa.Ni kweli. Ni adui pia wa mafanikio. Unaweza kuwa na mipango mizuri na mawazo mazuri.Lakini mipango bila vitendo havimfikishi mtu popote pale. Wengi wetu hupoteza muda mwingi katika mambo ambayo hayana msingi,ni ya kivivu. Ni muhimu kujiuliza maswali kuhusu jinsi unavyotumia muda wako na hatua unayopiga katika kuelekea kwenye mafanikio unayoyatamani. Kama wewe unataka kufanikiwa zaidi kama mwandishi;unaandika vya kutosha?Unasoma vya kutosha?(mwandishi mzuri ni msomaji mzuri pia) Kama wewe ni mtu wa masoko; je unauza vya kutosha? Kama wewe ni mkulima; je unalima vya kutosha? Epuka uvivu.

  • Hujichanganyi na watu waliofanikiwa: Ukweli lazima usemwe.Ndugu,jamaa na marafiki zako wanakupenda sana na ni watu wazuri sana. Lakini yaweza kutokea bahati mbaya wakawa hawakuchochei kufanikiwa zaidi.Ukiwaangalia unaona umefanikiwa vya kutosha wakati kumbe tukikuchanganya na wengine,unaweza kuonekana mwanafunzi! Sasa sikwambii usiambatane na ndugu,jamaa na marafiki zako.Hapana. Ninachotaka kukuambia ni kwamba, mara kwa mara jitahidi kuwa karibu na watu waliofanikiwa zaidi na zaidi.Watu wenye mawazo chanya. Watu wanaoelewa maana na tamaa ya mafanikio. Ukiwapata watu wa namna hiyo usisite kuwashirikisha katika mawazo na ndoto zako. Mara nyingi watakuunga mkono.Kwanini? Kwa sababu wao wameshafikia hayo malengo.Wanaamini inawezekana kwa sababu wameshaweza. Hali ni tofauti na ukimuuliza mtu ambaye hajafanikiwa. Mara nyingi anakuwa haamini kwamba inawezekana. Atakachokwambia ni ah…haiwezekani usipoteze muda wako.Achana na watu wa namna hiyo.
Kwa kumalizia kumbuka yafuatayo; mtu ambaye anatamani mafanikio zaidi ni wewe. Wewe pia ndio wa kuyafanyia kazi. Jitume zaidi.Usiogope kushindwa.Ni sehemu ya maisha.Kwa hiyo jaribu kufanikiwa zaidi.

Thursday, December 20, 2012

MKUU WA MKOA WA RUKWA AFUNGA SEMINA ELEKEZI YA SIKU MBILI YA MADIWANI WA CCM MKOANI RUKWA LEO

Mkuu wa Mkoa wa Rukwa Injinia Stella Manyanya akizungumza na wajumbe wa semina elekezi ya madiwani wa CCM wa Mkoa wa Rukwa wakati akifunga semina hiyo iliyoanza jana na kumalizika leo katika ukumbi wa Manispaa ya Sumbawanga. Kushoto ni Mwenyekiti wa chama hicho Mkoa wa Rukwa Ndugu Hiporatus Matete. Semina hiyo iliyokuwa ya mafunzo ilikuwa na lengo la kuimarisha utendaji kazi wa chama hicho pamoja na kukiongezea chama uwezo zaidi wa kuisimamia shughuli za Serikali katika utekelezaji wa ilani ya uchaguzi wa chama hicho pamoja kukiongezea nguvu zaidi kiweze kushinda katika uchaguzi ujao wa mwaka 2015.
 
Semina hiyo ilikuwa na jumla ya mada tisa amabazo ni historia ya CCM tangu TANU na ASP, Katiba ya CCM ya mwaka 1977-2012, Sera za msingi za CCM, Muelekeo wa Sera za CCM mwaka 2010-2020, Sera za Umma, Utekelezaji wa sera Ya CCM ya Ujamaa na Kujitegemea katika mazingira ya utandawazi na uchumi wa soko, Hali ya kisiasa na mikakati wa ushindi kwa ajili ya uchaguzi Mkuu 2015, Uandishi wa katiba mpya ya jamhuri ya muungano wa Tanzania na Majukumu yatokanayo na taarifa ya kazi na maazimio ya Mkutano Mkuu wa 8 wa CCM 2012.   
 
Kutoka kushoto ni Mwenyekiti wa CCM Mkoa wa Rukwa Ndugu Hiporatus Matete, Mkuu wa Mkoa wa Rukwa Injinia Stella Manyanya, Muwezeshaji wa Semina hiyo kutoka Sekretarieti ya CCM na Mbunge wa Jimbo la Kalambo CCM Ndugu Josephat Kandege ambaye pia alikuwa mwenyekiti wa Semina hiyo. 
 
Mwenyekiti wa Chama cha Mapinduzi Mkoa wa Rukwa Ndugu Hiporatus Matete akizungumza kwenye ufunguzi wa semina hiyo jana. Katika maneno yake ya ufunguzi alisema lengo kuu la semina hiyo ni kuimarisha chama kiweze kushika dola kwa kutatua kero zinazowakabili wananchi wa Mkoa wa Rukwa na taifa kwa ujumla. Kwa upande wake Mkuu wa Mkoa wa Rukwa alisema Serikali haiwezi kufanya kazi peke yake bila ya msukumo kutoka katika chama, aliwataka viongozi katika ngazi zote kuwa mstari wa mbele katika kufanya shughuli za maendeleo badala kukaa tu ofisini na kuagiza walio chini yao.
 
Kiongozi wa wakufunzi wa semina hiyo Ndugu Lukasi Kisasi akijitambulisha kwa wajumbe wa semina hiyo.

Baadhi ya madiwani waliohudhuria semina hiyo wakiskiliza kwa makini moja ya mada zilizowasilishwa kwenye semina hiyo, jumla ya madiwani 64 wameshiriki kwenye semina hiyo.
 
Madiwani kutoka kata tofauti za Mkoani Rukwa wakifuatilia semina hiyo

Mkuu wa Mkoa wa Rukwa akizungumza katika Semina hiyo. (Picha na Hamza Temba - Ofisi ya Mkuu wa Mkoa Rukwa)

Wednesday, December 19, 2012

PICHA ZA AJALI YA NDEGE YA TANAPA TAREHE 16 DECEMBER 2012 MPANDA TANZANIA.

 

.

.

.

.
Ndege ya shirika la hifadhi la taifa (TANAPA) aina ya C182 ikiwa imeanguka katika eneo la nsemulwa mjini Mpanda muda mfupi baada ya kuondoka katika uwanja wa ndege wa Mpanda ikiwa inaendeshwa na rubani Adam kajwa alieumia sehemu ya uso.
 
Ajali imetokea jioni wakati ndege hiyo ikielekea hifadhi ya taifa ya katavi wilayani mlele mkoa wa katavi ambapo meneja wa uwanja wa ndege wa Mpanda Mahamud Muhamed kasema ajali ilitokea december 16 2012 saa kumi na dakika 55 jioni.
 
Ni ndege ya abiria mali ya hifadhi ya taifa ya TANAPA na una uwezo wa kuchukua abiria wanne na imeanguka umbali wa kilometa moja na nusu kutoka uwanja wa ndege.
Meneja wa uwanja huo wa ndege alisema taarifa za awali zinaonyesha chanzo cha ajali ni injini ya ndege kufeli wakati ikiwa angani.
 
Rubani wa ndege hiyo alipata msaada kutoka kwa wananchi waliokuwa shamani mwao ambapo mmoja wao alisema wakati akiwa anafanya shughuli zake za kilimo ghafla aliona ndege angani ikizimika injini na muda mfupi baadae ikaanguka jirani na mti wa mwembe, kazi ya uokoaji ilichukua muda kidogo kutokana na nyuki.
 
(Taarifa imeandikwa na http://kataviyetu.blogspot.com)

MAELEZO NA VIDEO YA TAARIFA YA ITV KUHUSU MAJAMBAZI KUUA KARIAKOO DEC 18 2012


Taarifa kamili ni kwamba watu wawili ambao ni Ahmed Mohamed Issa na Sadick Juma wameuwawa kwa risasi december 18 saa nne asubuhi kwenye eneo la tukio la ujambazi Kariakoo Dar es salaam kwenye mitaa ya Livingston na Mahiwa baada ya majambazi kufanya uvamizi ambapo polisi wamefanikiwa kukamata majambazi wanne.
 
Kamanda Suleiman Kova wa kanda maalum ya Dar es salaam amesema wamiliki wa duka la matairi na betri la Atal Limited walikua na mpango wa kupeleka benki fedha za kitanzania ambazo ni zaidi ya milioni 100 na wakati wanatoka nje wakiwa na fedha majambazi walitokea na pikipiki na kuwataka waingize pesa kwenye gari na kuondoka.
 
Kamanda Kova amesema wafanyabiashara hao walikaidi amri ya majambazi ambapo waliwapiga risasi wakadondoka hivyo majambazi wakafanikiwa kuchukua pesa lakini wakati wanataka kuondoka alitokea msamaria mwema akiwa na jiwa nae akapigwa risasi na kufariki papo hapo huku mlinzi wa hilo duka aliekua na bunduki akibaki ameduwaa na wala hakujaribu kuitumia bunduki yake.
 
Kova amesema katika hizo purukushani polisi walimkamata jambazi mmoja akiwa na bastola yenye risasi moja huku majambazi wengine na pikipiki wakikamatwa eneo la tukio wakiwa wamejeruhiwa ambapo kwa sasa wamelazwa katika hospitali ya taifa Muhimbili

Tuesday, December 18, 2012

LICHA YA MKUU WA MKOA WA RUKWA KUTUMIA ZAIDI YA MASAA NANE KUSULUHISHA MGOGORO WA WAUMINI WA KANISA ANGLIKANA JIMBO LA ZIWA RUKWA MJINI SUMBAWANGA SULUHU YASHINDIKANA

Mkuu wa Mkoa wa Rukwa Injinia Stella Manyanya akizungumza na waumini wa kanisa la Anglikanala watakatifu wote Jimbo la Ziwa Rukwa mjini Sumbawanga jana katika ukumbi wa RDC mjini Sumbawanga katika jitihada zake za kuunganisha dayosisi hiyo baada ya kuwa na mpasuko wa muda mrefu wa zaidi ya miaka miwili wa makundi mawili moja likiwa linatii mamlaka ya kanisa Anglikan kwa kumkubali Askofu Kasagara kama kiongozi wao kanisani aliyesimikwa mwaka jana tarehe 16, Juni kwa mujibu wa katiba ya kanisa hilo na wengine wanaompinga kwa madai kuwa hana sifa za kuwa kiongozi wao na kwamba kwenye uchaguzi uliomchagua alitumia rushwa.
 
Katika kikao kilichodumu kwa zaidi ya masaa nane ikiwa ni dhamira ya Mkuu huyo wa Mkoa kutafuta suluhu ya migogoro yote iliyopo Mkoani Rukwa ukiwepo huu wa kanisa Anglikan muafaka ulishindwa kupatikana kutokana na upande unaompinga askofu kuchelea kutoa maamuzi ya kuteua wajumbe watano watakaoungana na wajumbe wengine watano kutoka upande wa wanaotii mamlaka kushirikiana na Kiongozi huyo wa Mkoa kutafuta suluhu ya mwisho kushindikana na kudai wapewe muda zaidi kutafakari yote yaliyozungumzwa na ndipo wafanye uteuzi wa wajumbe hao.
 
Baada ya ushawishi mkubwa uliotumika Mkuu wa Mkuu wa Rukwa aliona kuwa dhamira halisi ya kumaliza mgogoro huo kwa baadhi ya waumini hususani wanaompinga Askofu haipo na kwamba msimamo wao uko pale pale wa kumpinga kiongozi huyo. Alihitimisha kwa kusema kuwa ataandika taarifa yake na kuifikisha panapostahiki taarifa itakayoonyesha kuwa kundi moja lipo tayari kutoa ushirikiano wa kumaliza mgogoro na lingine linalompinga Askofu Kasagara kutokuwa na utayari wa kutoa ushirikiano unaostahiki. Alimalizia kwa kusema kuwa ataliandikia Kanisa lichukue maamuzi kulingana na taratibu zao za kikanisa. 
 
Mkuu wa Mkoa wa Rukwa Injinia Stella Manyanya akizungumza na waumini wa Kanisa hilo katika ukumbi wa Ofisi ya  Mkuu wa Mkoa wa Rukwa (RDC) jana.

Baadhi ya waumini wa kanisa la Anglikana watakatifu wote Jimbo la Ziwa Rukwa mjini Sumbawanga wakimsikiliza kwa makini Mkuu huyo wa Mkoa aliyekuwa akijaribu kuwaweka sawa juu ya umuhimu wa kuungana na kuacha tofauti zao kwa maendeleo ya kanisa lao na Mkoa kwa ujumla. Baadhi ya waumini hususan wanaompinga Askofu wa kanisa hilo jimbo la Ziwa Rukwa wameweka msimamo wao kuwa hawamtaki kiongozi huyo. 

Monday, December 17, 2012

A NICE ONE TO SHARE WITH YOU......JUST READ THE STORY IT MAY CHANGE YOUR ATTITUDE

A long time ago in China , a girl named Li-Li got married & went to
live with her husband and mother-in-law.

In a very short time, Li-Li found that she couldn't get along with her
mother-in-law at all. Their personalities were very different, and Li-Li
was angered by many of her mother-in-law's habits. In addition, she criticized Li-Li
constantly. Days passed, and weeks passed. Li-Li and her mother-in-law never
stopped arguing and fighting. But what made the situation even worse
was that, according to ancient Chinese tradition, Li-Li had to bow to her
mother-in-law and obey her every wish. Al l the anger and unhappiness
in the house was causing Li-Li's poor husband great distress.

Finally, Li-Li could not stand her mother-in-law's bad temper and
dictatorship any longer, and she decided to do something
about it. Li-Li went to see her father's good friend, Mr. Huang, who
sold herbs. She told him the situation and asked if he would give her
some poison so that she could solve the problem once and for all.
Mr. Huang thought for awhile, and finally said, "Li-iL, I will help
you solve your problem, but you must listen to me and obey what I tell
you." Li-Li said,"Yes, Mr. Huang, I will do whatever you tell me to do. "Mr.
Huang went into the back room, and returned in a few minutes with a package
of herbs. He told Li-Li,
"You can't use a quick-acting poison to get rid of your mother-in-law,
because that would cause people to become suspicious. Therefore, I
have given you a number of herbs that
will slowly build up poison in her body. Every other day prepare some
delicious meal and put a little of these herbs in her serving. Now, in
order to make sure that nobody suspect you, when she dies, you must be
very careful to act very
friendly towards her. "Don't argue with her,
obey her every wish, and treat her like a queen." Li-Li was so happy.
She thanked Mr. Huang and hurried home to start
her plot of murdering her mother-in-law.

Weeks went by, and months went by, and every other day, Li-Li served
the specially treated food to her mother-in-law. She remembered what
Mr. Huang had said about avoiding suspicion, so she controlled her
temper, obeyed her mother-in-law, and treated her like her own mother.

After six months had passed, the whole household had changed. Li-Li had
practiced controlling her temper so much that she found that she almost never
got mad or upset. She hadn't had an argument with her mother-in-law in six months
because she now seemed much kinder and easier to get along with.

The mother-in-law's attitude toward Li-Li changed, and she began to love Li-Li
like her own daughter. She kept telling friends and relatives that Li-Li was the best
daughter-in-law one could ever find. Li-Li and her mother-in-law were
now treating each other like a real mother and daughter. Li-Li's
husband was very happy to see what was happening.

One day, Li-Li came to see Mr. Huang and asked for his help again She
said, "Dear Mr. Huang, please help me to keep off the poison from
killing my mother-in-law. She's changed into such a nice woman, and I
love her like my own mother. I do not want her to die because of the
poison I gave her."
Mr. Huang smiled and nodded his head. "Li-Li, there's nothing to worry
about. I never gave you any poison. The herbs I gave you were vitamins to
improve her health. The only poison was in your mind and your attitude
toward her, but that has been all washed away by the love which you
gave to her."

HAVE YOU REALIZED that how you treat others is exactly how they will treat
you? There is a wise Chinese saying: "The person who loves others
will also be loved in return."

KUFUATIA MFAMASIA KUMNYIMA DAWA MGONJWA AMBAYE NI MLEMAVU WA NGOZI (ALBINO) MKUU WA MKOA WA RUKWA AAGIZA ACHUKULIWE HATUA KALI IWE FUNDISHO KWA WENGINE

Mkuu wa Mkoa wa Rukwa Injinia Stella Manyanya akiongea na uongozi wa hospitali kuu ya Mkoa wa Rukwa alipotembelea hospitalini hapo kumjulia hali mgonjwa Sebastian Chambanenge (41) mlemavu wa ngozi ambaye siku moja kabla alimtembelea Mkuu huyo ofisini kwake kumuomba msaada ambapo anakabiliwa na ugonjwa wa jicho unamsumbua kwa takriban miaka miwili sasa na kumpeleka hospitalini hapo kuona ni jinsi gani ya kuweza kumsaidia. Pamoja na hilo alitoa tamko (Maagizo) kali kwa uongozi wa hospitali hiyo kutokana na huduma isiyoridhirisha aliyopewa mgonjwa huyo kama linavyosomeka hapo chini :

Mkuu wa Mkoa wa Rukwa Injinia Stella Manyanya akisoma maagizo hayo kwa uongozi wa hospitali kuu ya Mkoa wa Rukwa. Maagizo hayo yapo hapa chini:
 
Mkuu wa Mkoa wa Rukwa Injinia Stella Manyanya kushoto akimjulia hali Mgonjwa Sebastian Chambanenge (41) ambaye anaendelea kupatiwa huduma katika hospitali kuu ya Mkoa wa Rukwa iliyopo Mjini Sumbawanga. Mgonjwa huyo anakabiliwa na uvimbe mkubwa kwenye jicho ambapo chanzo chake kwa mujibu wa madaktari hospitalini hapo bado hakijajulikana ila kinahisiwa kuwa ni kansa ya ngozi ambayo kitaalamu hujulikana kama "Squamous cell Carcinoma". Pamoja na hayo, mgonjwa Sebastian hali yake kiuchumi ni duni hivyo kwa yeyote mwenye uwezo na nia ya kumsaidia kwa namna yeyote ile anaweza kuwasiliana nasi Ofisi ya Mkuu wa Mkoa Rukwa kupitia 025-2802137 / 2802138 au namba yangu ya Mkononi 0766-731185.  

Mkuu wa Mkoa wa Rukwa Injinia Stella Manyanya akimkabidhi Dkt. Mwanisawa (katikati) baadhi ya vifaa ikiwemo nguo, sabuni, na dawa ya mswaki kwa ajili ya mgonjwa Sebastian Chambanenge (hayupo pichani).
 
Sebastian Chambanenge (41) baada ya kupewa huduma ya kwanza ya kusafishwa kidonda katika hospitali kuu ya Mkoa wa Rukwa iliyopo Mjini Sumbawanga. Mgonjwa huyu bado anahitaji matibabu makubwa kuinusuru afya yake. 
 

Tarehe 14 Disemba 2012 Mgonjwa Sebastian ambaye ni Mlemavu wa ngozi alikuja ofisini kwangu akiomba msaada kuhusu ugonjwa unaomkabili ikiwemo kidonda kwenye shavu na jicho lililopofuka kutokana na hali ya ugonjwa. Hali yake ilikuwa si ya kuridhisha.
Kwa kuwa nilikuwa na wageni wengine nilimwagiza katibu wangu alishughulikie. Hivyo alitumwa Dereva wangu ampeleke kwa kutumia gari ya Mkuu wa Mkoa.
Baada ya kufika hospitali na kumkabidhi kwa Daktari (Kaimu Mganga Mkuu, alimhudumia ipasavyo na akamwandikia dawa muhimu, yeye mwenyewe akiwa na maandalizi ya kuingia Theatre.
Mgonjwa alipomwona Mfamasia Rhoda Kiponde alimpa dawa moja tu, na akamweleza kuwa nyingine akanunue kwenye maduka ya dawa. Hali hiyo ilimchanganya mgonjwa na kurudi tena Ofisi ya Mkuu wa Mkoa huku akilalamika kuwa yeye hana fedha ya kununulia dawa, hata pesa aliyojia wamemchangia walimu wa Laela na Wasamaria wema wengine.
Kwa Mazingira hayo niliwasiliana na Daktari ili kujua uhalisia wa tatizo hilo na akanieleza kuwa ni vema mgonjwa alazwe kutokana na tatizo lake.  Kwa kuwa Daktari alikuwa na operation nyingine nilimshauri aendelee na mimi nitashughulika na waganga nitakaowakuta. Niliona ni vema niemde mimi mwenyewe (Mkuu wa Mkoa). Nilimshauri mgonjwa akubali kulazwa ili atibiwe chini ya uangalizi wa karibu.
Nilipofika hospital nilimkuta Mwangalizi wa Odfisi Winifrida Kuingwa akinisubiri. Mgonjwa akafanyiwa utaratibu wa kulazwa. Kisha tukafuatilia kujua kama dawa alizokosa mgonjwa kweli hazipo hospitali hiyo.
Tulipomwona Mfamasia aliyekuwa zamu (Rhoda Kiponde), baada ya kumpa cheti na kueelezwa kuwa niliye mbele yake ni Mkuu wa Mkoa alitaka kutoa dawa tena zile ambazo alishampa mara ya kwanza hali akijua kuwa dawa zile alishatoa. Hiyo ni kwa sababu cheti hakikuonyesha dawa zilizokosekana. Alipohisi kuwa anafuatiliwa akasisitiza kuwa dawa zile hazipo na haziletwi hospitali hiyo kabisa. Alipoulizwa kuwa sasa kama haziletwi wagonjwahao wanatibiwa na nini alijibu kuwa unaweza kuchanganya Ampicilini na Cloksilini ndipo unapata “Ampclox” (Kama inavyoeleweka kiutaalamu wao). Nilimwuliza sasa kwa nini usichanganye? Akajibu kuwa ipo Ampiciline tu. Na sasa akaweka alama ya dawa zisizokuwepo
Nikamwuliza zimeisha lini na mmeagiza lini? Akajibu haagizi yeye, ndipo tukakubaliana tumfuate anayeagiza (store)
Tulipofika kule tulipouliza juu ya dawa hizo tukaambiwa zipo na tukapewa, na akasisitiza kuwa kila wakati huwa zipo dawa za akiba.
Kutokana na mazingira hayo sikuridhishwa kabisa na huduma aliyopewa mgonjwa. Mfamasia baada ya kuona cheti kilichoandikwa na Daktari wake, tena kwa kuzingatia unyeti wa mgonjwa hususani mlemavu wa ngozi, na hali yake ya kipato alistahili kujiridhisha kwa kiwango cha juu kuwa dawa hizo kweli hazipo hospitalini hapo. Aidha nimekuwa nikipokea malalamiko mengi ya hospitali juu ya wagonjwa kunyimwa dawa kwa visingizio mbalimbali.
1.     Hivyo basi nawaagiza Viongozi husika (RAS, Mganga Mkuu wa Mkoa) kuhakikisha kuwa Mfamasia huyo Rhoda Kiponde anaondolewa mara moja kufanya kazi katika kitengo hicho na ikibidi ahamishwe.
2.     Uhakiki wa wafamasia na elimu na sifa zao ufanyike kwani pia kuna malalamiko nimeletewa ofisini kwangu kuwa kuna watumishi wenye viwango halisi na vyeti vya ufamasia wamezuiwa kufanya kazi kwa mujibu wa taaluma yao na kuwakumbatia wasio na ujuzi unaostahili.
3.     Nipate taarifa juu ya utekelezaji ndani ya siku saba kuanzi tarehe ya agizo hili.

Eng. Stella M. Manyanya (MB)
MKUU wa MKOA wa RUKWA

 

Sunday, December 16, 2012

WANANCHI WA VIJIJI JIRANI NA SHAMBA LA MUWEKEZAJI EPHATA MINISTRY WILAYANI SUMBAWANGA WATAKIWA KUWA NA SUBIRA NA UTULIVU WAKATI HUU SERIKALI INAPOTAFUTA SULUHU YA MGOGORO KATI YAO NA MUWEKEZAJI HUYO

Mkuu wa Mkoa wa Rukwa Injinia Stella Manyanya akizungumza na wananchi wa kijiji cha Ulinji kata ya Mollo ambao kijiji chao pamoja na vijiji vingine vya jirani vinavyozunguka shamba la Malonje linalomilikiwa na muwekezaji Ephata Ministry kwa muda mrefu sasa wamekuwa na mgogoro na muwekezaji huyo kwa kile kinachodaiwa kuwa pamoja na mambo mengine muwekezaji huyo huwanyanyasa wananchi wanaopita kwenye maeneo yake.

Pia kumekuwepo na malalamiko kuuwa Muwekezaji huyo anaenda kinyume na mkataba wake wa kufuga na badala yake amejikita zaidi kwenye kilimo. Wananchi pia wanalalamika kutokuwa na maeneo ya kulima kutokana na eneo kubwa kumiliki muwekezaji huyo. Kwa upande wa muwekezaji anadai kuwa wananchi wa vijiji hivyo jirani hufanya uharibifu shambani kwake pamoja na wizi. 
 
Mkuu wa Mkoa wa Rukwa alilazimika kuunda kamati kuchunguza mgogoro huo ambapo ilikabidhi taarifa yake na kusomwa hivi karibuni kwenye kikao cha dharura cha kamati ya ushauri ya Mkoa (RCC) na kutoa mapendekezo yake. Mkuu huyo wa Mkoa aliwataka wananchi hao kuwa watulivu kwani mgogoro huo unaenedelea kutafutiwa suluhu ambapo kamati ya ushauri ya Mkoa imeshatoa mapendekezo yake kwa kushirikiana na kamati aliyoiunda ambapo muhtasari wa kikao hicho utapelekwa katika wizara husika na Serikali ambayo italiangalia suala hilo na kuweza kulitafutia ufumbuzi. 

 "Ninayosema hapa leo sio maamuzi ya mwisho bali kwa ngazi ya Mkoa tumeshamaliza sasa tunaipeleka ngazi ya juu ambayo ni Wizara na Serikali kwa ajili ya maamuzi zaidi" alisema Injinia Manyanya.   

Wananchi wa Kijiji cha Ulinji wakimsikiliza Mkuu wa Mkoa wa Rukwa kwa makini. Mkuu huyo wa Mkoa alilzaimika kuongea na wananchi hao na kuwaeleza nia ya Serikali kumaliza mgogoro huo ili kuweka hali ya amani na utulivu katika eneo hilo ambalo siku za karibuni baadhi ya wananchi wa vijiji hivyo walijichukulia sheria mkoanoni na kuchoma matrekta mawili na kuharibu moja ya nyumba ya muwekzaji huyo na kuiba mahindi. Watumiwa wa sakata hilo wapo mikononi mwa polisi na hatua nyingine za kisheria zinaendelea.  
 
Mkuu wa Mkoa wa Rukwa Injinia Stella Manyanya akizungumza na wananchi wa Kijiji cha Skaungu katika Kata ya Msandamuungano mjini Sumbawanga ambao pia kijiji chao kinapakana na shamba la muwekezaji huyo kuwapa mrejesho wa kikao cha dharura cha kamati ya ushauri ya Mkoa (RCC) kilichojadili mgogoro kati yao na muwekezaji. Kwa mujibu wa diwani wa Kata ya Msandamuungano Kijiji cha Skaungu kilipimwa na kupatiwa hati ambapo inaonekana pia kuwa shamba la muwekzaji huyo lenye ukubwa wa hekta 1,000 limemega sehemu ya kijiji hicho. Mkuu huyo wa Mkoa alisema jambo hilo limesababishwa na upimaji wa aina mbili, moja ukiwa wa Wizara na mwingine kupitia ubinafsishaji wa Halmashauri uliopelekea kukosekana mawasiliano. Hata hivyo kamati imeshauri eneo la Kijiji libaki kama lilivyo na muwekezaji aridhie ili amani na utulivu iweze kupatikana katika eneo hilo.
 
Mkuu wa Mkoa wa Rukwa Injinia Stella Manyanya akiwachagua watoto wenye umri chini ya miaka mitano kwenda kupata chanjo ya minyoo na vitamin A katika kijiji cha Skaungu alipofanya mkutano na wananchi wa kijiji hicho kuwapa mrejesho kama alivyowaahidi hapo awali kuhusu hatua Mkoa uliyofikia ya kutafuta suluhu ya mgogoro wao na muwekezaji Ephata Ministry katika shamba la Malonje. Katika mkutano huo alihamasisha pia kilimo bora, elimu, afya kwa ujumla na mpango wa ONYARU "Ondoa Nyasi Rukwa" weka bati.


Ziara za Mkuu wa Mkoa wa Rukwa zinaenda sambamba na zoezi la chanjo ya minyoo na vitamin A kwa watoto walio chini ya miaka mitano (5), Katika kijiji cha Skaungu watoto zaidi ya mia 300 walipatiwa chanjo hiyo.
 
Sehemu ya wananchi waliohudhuria Mkutano huo, Pembeni kwenye gari ya maslaba mwekundu zoezi la chanjo likiendelea.

Friday, December 14, 2012

UJENZI WA BARABARA YA SUMBAWANGA-MATAI-KASANGA KWA KIWANGO CHA LAMI

Barabara hii ya Sumbawanga-Matai-Kasanga (112 KM) inajegwa na Kampuni ya China Railway 15 Bureau Group Corporation (CR15G)/ Newcentry Company Ltd. chini ya Mhandisi Mshauri Nicholas O’Dwyer and Company Limited kutoka Ireland akishirikiana na Apex Engineering Ltd, kutoka Tanzania. Gharama ya Mradi ni Sh. 133.30 bilioni.
Maendeleo ya jumla ya mradi hadi kufika tarehe 31 Octoba, 2012 yalikuwa 28% ya kazi zote zilizopangwa. Mradi huu unatekelezwa kwa mkataba wa Usanifu na Ujenzi (Design and Build Contract). Kwa sasa kazi zinaendelea vizuri baada ya kusuasua siku za nyuma. Mradi huu ulitegemewa kukamilika tarehe 13 Januari, 2013 lakini itabidi muda wa utekelezaji kuongezeka kutokana sababu mbalimbali.
 
Lami imeanza kumiminwa katika barabara hii, Pongezi kwa Serikali ya awamu ya nne inyoongozwa na Rais Dkt. Jakaya Mrisho Kikwete kwani katika kipindi cha miaka 50 ya Uhuru Mkoa wa Rukwa ulikuwa bado haujaunganishwa kwa lami na Mikoa mingine ya jirani, Kwasasa jumla ya miradi mikubwa sita ya kuunganisha Mkoa wa Rukwa na Mikoa jirani ya Mbeya na Katavi pamoja na Wialaya zake za Kalambo na Nkasi inaendelea.

HOTUBA YA MKUU WA MKOA WA RUKWA KWENYE KIKAO CHA UFUNGUZI WA KIKAO CHA UHAMASISHAJI WA MKAKATI WA MAWASILIANO YA MABADILIKO YA TABIA KATIKA KUPAMBANA NA MALARIA

Mkuu wa Mkoa wa Rukwa Injinia Stella Manyanya akisoma hotuba ya ufunguzi wa kikao cha uhamasishaji wa mkakati wa mawasiliano ya mabadiliko ya tabia katika kupambana na Malaria kilichofanyika jana kwenye ukumbi wa mkutano wa Libori Centre wilayani Sumbawanga.
 
Kaimu Katibu Tawala Mkoa wa Katavi Dkt. Yahya Hussein akimkaribisha Mkuu wa Mkoa wa Rukwa kufungua kikao hicho.

Mwenyekiti wa asasi  ya RODI akitoa maelezo mafupi na madhumuni ya kikao hicho mgeni rasmi ambaye alikuwa Mkuu wa Mkoa wa Rukwa.
 
Picha ya pamoja ya Mkuu wa Mkoa wa Rukwa na washiriki wa kikao hicho.
 
Katibu Tawala wa Mkoa wa Rukwa na Katavi,
 
Mganga Mkuu wa Mkoa wa Rukwa na Katavi
Wataalamu na Watendaji kutoka Wizara ya Afya na Ustawi wa Jamii,
Wakurugenzi wa Halmashauri  za Mkoa wa Rukwa na Katavi,
Wawezeshaji wa Warsha hii,
Waganga Wakuu na Waratibu wa Malaria,
Wataalamu na Watendaji kutoka Hospitali ya Mkoa.
Watendaji kutoka Sekretarieti ya Mkoa,
Watendaji kutoka Halmshauri za Mkoa wa Rukwa na Katavi,
Ndugu Waandishi wa Habari,

 
Mabibi na Mabwana.
Asalam alykum, Bwana Yesu asifiwe, tumsifu Yesu Kristo.

 
Awali ya yote napenda kuchukua fursa hii kwa namna ya pekee kumshukuru Mwenyezi Mungu mwingi wa Rehema kwa kutukutanisha Siku hii ya leo.

 
Aidha napenda kumshukuru Mwenyezi Mungu kwa kuweza kuwasafirisha salama wale wote ambao wanatoka nje ya Manispaa yetu ya Sumbawanga poleni  kwa safari ndefu na karibuni sana, Manispaa yetu ya Sumbawanga hali ni shwari na tulivu Usalama umeimarishwa. Huduma zote za Msingi zipo mtafurahia uwepo wenu Mkoani Rukwa.

 
Napenda kuchukua fursa hii kuwakaribisha wageni wetu kutoka wizara ya Afya na Ustawi wa Jamii na taasisi isiyo ya kiserikali ya Johns Hopkins University – (Center for Communication Programs) kwa kututembelea na kutoa mwanya wa kuwa na majadiliano ya pamoja namna ya kuukabiliana na  ugonjwa wa malaria katika Mkoa wa Rukwa na Mkoa wa Katavi. 

 
Napenda  kuipongeza Wizara ya Afya na Ustawi wa Jamii, Wadau na Wafadhili  mbalimbali kwa jitihada zinazofanywa katika mapambano dhidi ya ugonjwa wa Malaria nchini.

 
Mradi wa Communication and Malaria Initiative in Tanzania (COMMIT) unaotekelezwa na Johns Hopkins University Tanzania (JHU) unalenga kuleta mabadiliko ya tabia kwa wanajamii dhidi ya Malaria nchini Tanzania. Mradi umetekelezwa kwa kipindi cha miaka mitano(5) lakini kwa Rukwa na Katavi umetekelezwa kwa kipindi cha miaka miwili.

 
Mradi huu unatekelezwa kwa kutumia mawakala wa kusaidia kubadilisha tabia ndani ya jamii katika Kata za mradi ambao hujulikana kwa majina ya CCA (Community Change Agent).

 
Mafanikio mazuri kwa jamii katika kutumia mawasilianao yanayolenga kubadilisha tabia na kutoa elimu  mbalimbali Kama;

 
·        Matumizi sahihi ya vyandarua vyenye Viuatilifu kila siku kwa mwaka mzima.

 
·        Hati punguzo kwa Wajawazito.

 
·        Kuhudhuria Kliniki mapema kwa wajawazito.

 
·        Dawa ya kinga ya Malaria kwa wajawazito.

 
·         Matumizi sahihi ya Dawa ya mseto ya Malaria.

 
·        Kuwahi vituo vya huduma mtu anapojihisi kuwa na dalili za malaria.

 
Elimu hii imekuwa ikitolewa kwa njia mbalimbali kwenye mikusanyiko ya watu kama vile kwenye Masoko, Shule, Vituo vya Afya na sehemu nyingine. Pia kwa mtu mmoja mmoja kupitia nyumba kwa nyumba.

 
Hadi  mradi unamaliza muda wake Johns Hopkins University (JHU) waliona ni vyema kuwe na mikakati ambayo itasaidia mradi endelevu ndani ya jamii. Hivyo, JHU imefanikiwa kupata fedha za kuendesha mradi  kwa kipindi cha mwaka mmoja. Wameamua kwa awamu hii  washirikiane na jamii na Serikali kusimamia huduma hii ambayo imeonyesha mafanikio mazuri ndani ya jamii kwa kipindi chote cha maisha yake.

 
Johns Hopkins University (JHU) kwa kushirikiana na RODI, imeandaa semina hii inayoshirikisha wadau mbalimbali muhimu katika kufikia lengo lililokusudiwa. Michango yetu ni muhimu sana ndani ya Idara na jamii, hivyo tushirikiane kwa pamoja tuone tunafanyeje na ni mikakati ipi inayoweza kusaidia kuleta mabadiliko ya kitabia katika jamii.

 
Pamoja na mikakati iliyopangwa kuendeshwa na Johns Hopkins University CCP TZ katika mradi wa COMMIT kwa kipindi hiki cha mwaka mmoja mkoani Rukwa na KATAVI ni kuona kwamba JHU kama taasisi isiyo ya kiserikali inatoa mchango wake katika jamii. Pia ofisi ya RAS/DED kupitia Halmashauri ndani ya ofisi ya Mganga Mkuu wa Wilaya kunakuwepo bajeti kwa ajili ya CCA (Community Change Agent) ya kuendesha mapambano dhidi ya Malaria kupitia mabadiliko ya tabia ndani ya Wilaya husika mara baada ya mradi huu wa COMMIT kuisha.

 
Nimatumaini yetu sisi kama  wadau, Wote  kwa pamoja tutapanga mikakati itakayotoa dira nzuri inayoshirikisha wadau wote muhimu katika  mapambano dhidi ya malaria mkoani Rukwa.

 
Ndani ya warsha hii wanashiriki watalamu kutoka sekta ya Afya ,Maafisa mipango, Taasi binafsi ‘CBO’s zinazoshiriki katika mradi huu  ili kwa pamoja tusaidiane kupanga mipango itakayoleta tija nzuri ya mabadiliko ya kitabia ndani ya jamii. Pamoja na kujadili mipango endelevu ya shughuli za malaria pia warsha hii itatoa mwanya wa kujadili maada kuhusu uongozi na mipango.

 
Pamoja na taarifa hizo zinazoashiria mradi kuwa na mafanikio makubwa, ni vema sasa taarifa kamili zitakazoeleza mafanikio hayo ziwe kwa undani zikielezea mafanikio katika ngazi ya Kata, Wilaya na Mkoa ili matokeo ya mradi yaweze kupimika vizuri zaidi.

 
Mwisho nawatakia majadiliano mema na yenye tija ninawataka mshiriki kikamilifu katika kuibua mkakati wa kupambana na Malaria. Ili Mkakati huo uweze kuwa rahisi kutekelezwa na Wadau wote pia mnajukumu la kuhakikisha elimu inatolewa katika maeneo yenu ya kazi kwa kuwa na  vikao vya kuelimisha watendaji, waheshimiwa madiwani na Wananchi kwa ujumla.

 
Vilevile mkakati huo uwasilishwe kwenye vikao halali vya Halmashauri,(CCHP) ili sisi wote tuwe washiriki katika kazi ya kuelimisha na kuhamasisha Wananchi kuupokea na kutekeleza mradi huu.

 
Nashukuru kwa kunisikiliza.

 
MABADILIKO YA KITABIA YANAWEZEKANA, TUSHIRIKIANE KUTOKOMEZA MALARIA.
Natamka kuwa Warsha
 hii imefunguliwa rasmi
Eng.
Stella Martin Manyanya(Mb)
MKUU WA MKOA WA RUKWA

TIPS ON HOW TO BROWSE IN THIS BLOG EFFECTIVELY (FAHAMU NAMNA YA KUTUMIA BLOGU HII KIUFASAHA)




  1. Katika Blogu hii, hakuna picha au taarifa yeyote inayoondolewa baada ya kuonekana ukurasa wa kwanza, bali inahamia ukurasa wa pili au wa tatu na kuendelea kutokana na wingi wa taarifa zinazowekwa humu.
  2. Ukitaka kuhamia kurasa zingine zilizopita ambazo pengine hukuziona, nenda hadi chini kulia kwako bofya "Older Posts" kuona kurasa za nyuma zilizopita ambazo zimehamia kurasa za ndani. Fanya hivyo tena na tena kuona kurasa zote katika Blogu hii.
  3. Ukitaka kurudi mwanzo nenda chini kabisa, katikati bofya "Home" kurudi ukurasa wa mwanzo wa blogu hii.
  4. Ukitaka kutafuta habari kwa jina la mtu, sehemu au kitu nenda kulia utaona kisanduku juu yake kimeandikwa Tafuta/ Search andika unachikitaka hapo alafu bofya Search subiri kwa muda utaona majibu ya ulichokiandika. Mfano ukitaka kupata habari za mpanda andika"mpanda" alafu bofya search.
  5. Kama umevutiwa na habari, picha au kero na maoni yako unaweza kuandika kwa kubofya sehemu iliyoandikwa "comments" ambayo ipo chini ya kila habari (post) chagua annonymus kama hutaki ujulikane au chagua hizo nyingine kama unataka ufahamike.
Kwa yeyote mwenye maoni, ushauri, habari au picha nzuri za kuelimisha na kuhabarisha jamii unaweza kututumia kupitia tembs2001@gmail.com.

NAMNA YA KUTOA MAONI/ COMMENTS:
 

Chini ya kila POST utaona sehemu imeandikwa Comments, Bofya hapo mara moja, Shuka hadi chini ya hiyo POST utaona kisanduku kimeandikwa Post a Comment kama kinavyoonekana hapo chini.

0 comments:


Post a Comment





 
Andika Comments/ maoni yako hapo unaweza kuandika jina na contact zako kama ukipenda kisha chini ya hicho kisanduku utaona maneno haya " " Uchaguzi upo kwenye hicho kimshale kinachoangalia chini, chagua "Annonymus" kisha nakili maneno utakayopewa yaliyoandikwa kwa kificho kwenye kisanduku kinaochoonekana alafu Bofya Publish. Comment yako itakuwa hewani popote duniani katika mtandao huu na itaifikia Ofisi ya Mkuu wa Mkoa Rukwa, kama inahitaji kufanyiwa kazi basi itafikishwa kwa wahusika na kufanyiwa kazi. Nawatakia kazi njema na Afya Bora.