Sunday, June 8, 2014

MKUU WA WILAYA YA NKASI AZINDUA HUDUMA YA OPTION B PLUS MKOANI RUKWA (TIBA YA KUZUIA MAAMBUKIZI YA VVU KUTOKA KWA MAMA MJAMZITO KWENDA KWA MTOTO MCHANGA)

Mkuu wa Wilaya ya Nkasi Iddi Hassan Kimanta kwa niaba ya Mkuu wa Mkoa wa Rukwa Eng. Stella Manyanya akikata utepe kuashiria kuzindua rasmi huduma ya Option B Plus Mkoani Rukwa jana tarehe 07 Juni, 2014 katika Kijiji cha Tamasenga Wilayani Sumbawanga. Huduma hiyo ina lengo la kutoa tiba ya kuzuia maambukizi ya virusi vya ukimwi kutoka kwa mama mjamzito kwenda kwa mtoto mchanga. Kaulimbiu ya huduma hiyo ikiwa "Amka Sasa Tokomeza VVU kwa Watoto, Kama mjamzito Pima VVU kwa maisha Bora, Tiba inapatikana"
Mkuu wa Wilaya Nkasi Iddi Hassan Kimanta (kulia) akipokea taarifa ya utaratibu maalum na tiba ya kuzuia maambukizi ya VVU kutoka kwa mama mjamzito kwenda kwa mtoto mchanga kutoka kwa wataalamu wa tiba alipotembelea banda la Hospitali Kuu ya Rufaa ya Mkoa wa Rukwa muda mfupi kabla ya uzunduzi wa huduma hiyo katika viwanja vya Tamasenga Wilayani Sumbawanga. Katika salam zake Mkuu huyo wa Wilaya amewataka wahudumu wa afya kuzingatia viapo vyao kwa kutunza siri za wagonjwa hususani walipomwa na kukutwa na maambukizi ya virusi vya Ukimwi.
Mganga Mkuu wa Mkoa wa Rukwa Dkt. John Gurisha akisoma risala kwa Mgeni Rasmi katika hafla hiyo ya uzinduzi wa huduma ya Option B Plus. Katika risala yake amesema maambukizi ya virusi vya Ukimwi Mkoani Rukwa yameongezeka ambapo sasa yapo kwa kiwango cha asilimia 6.2. Alisema mpaka sasa jumla ya watumishi 225 sawa na asilimia 75% wameshapatiwa mafunzo ya utoaji wa huduma hiyo ambapo matarajio ni kufikia watumishi 302. Alieleza kuwa mpaka sasa jumla ya vituo 116 vinatoa huduma hiyo sawa na asilimia 83% lengo likiwa kufikia vituo 139 hadi kufikia mwezi Septemba 2014.
Hafla hiyo ya uzinduzi ilipambwa na maandamano ya awali yaliyokuwa yakitoa ujumbe wa mapambano dhidi ya virusi vya Ukimwi kutoka kwa mama mjamzito kwenda kwa mtoto mchanga. 
Meza kuu ikipokea maandamano hayo kwa kupiga makofi. Wakwanza kushoto ni Naibu Meya Manispaa ya Sumbawanga,  Kaimu Katibu Tawala Mkoa wa Rukwa Ndugu Erasmus Rugarabamu, Mkuu wa Wilaya ya Nkasi Iddi Kimanta na Mganga Mkuu Mkoa wa Rukwa Dkt. John Gurisha.
Mganga Mkuu wa Mkoa wa Rukwa Dkt. John Gurisha kushoto akiteta jambo na Mratibu wa Ukimwi Mkoa wa Rukwa Dkt. Hansi Ulaya muda mfupi kabla ya uzinduzi wa huduma hiyo.
Baadhi ya wadau wa huduma ya afya waliohidhuria katika hafla hiyo. 

SIKU YA MAZINGIRA DUNIANI ILIVYOADHIMISHWA MKOANI RUKWA

Muwakilishi wa Mkuu wa Mkoa wa Rukwa Eng. Stella Manyanya katika sherehe za maadhimisho ya wiki ya siku ya Mazingira Duniani Mkoani Rukwa Ndugu Francis Kilawe ambae pia ni Katibu Tawala Mkoa Msaidizi kitengo cha Miundombinu akisoma hotuba kwa niaba ya Mkuu huyo wa Mkoa kwenye sherehe hizo zilizofanyika kimkoa katika shule ya Msingi Msua katika Manispaa ya Sumbawanga tarehe 05 Juni 2014. Katika hotuba yake hiyo aliwataka wadau wote wa mazingira kutunza vyanzo vya maji na kupanda miti kwa wingi katika kuhifadhi mazingira. Kaulimbiu ya maadhimisho hayo ikiwa "CHUKUA HATUA KUKABILIANA NA MABADILIKO YA TABIA NCHI".
Muwakilishi wa Mkuu wa Mkoa wa Rukwa katika maadhimisho hayo Ndugu Francis Kilawe akimpa Ndugu Reyo (Kidevu) tuzo ya Rais ya Uhifadhi Mazingira ambayo ni cheti na fedha taslim Tsh. 30,000/=  kwa kuibuka mshindi katika shughuli za uhifadhi wa mazingira na upandaji miti Mkoani Rukwa.
Sehemu ya washiriki wa maadhimisho hayo ambao wengi wao walikua wanafunzi wa shule ya Msingi Msua yalikofanyika maadhimisho hayo.
Sehemu ya wanafunzi wa shule ya Msingi Msua katika Manispaa ya Sumbawanga ambao baadhi yao walilazimika kupanda juu ya miti kupata taswira mwanana ya maadhimisho hayo.

Wednesday, June 4, 2014

WILAYA YA KALAMBO - RUKWA YAIMARISHA MAPAMBANO DHIDI YA UKIMWI

IMG_2477MWENYEKITI wa Halmashauri ya wilaya ya Kalambo Mkoa wa Rukwa Godfrey Sichona akikabidhi sare kwa mratibu wa Elimu wa Kata ya Legezamwendo ili zigawanywe kwa wanafunzi yatima na wanaoishi katika mazingira magumu. PICHA KWA HISANI YA MKURUGENZI WA HALMASHAURI YA WILAYA YA KALAMBO
IMG_2467
MWENYEKITI wa Halmashauri ya wilaya ya Kalambo Mkoa wa Rukwa Godfrey Sichona (mwenye suti) na Makamu wake Faustine Mwanisenga wakikagua gitaa wakati walipokabidhi vifaa vya muziki kwa vikundi viwili vya Kwaya katika Kata za Legezamwendo na Mambwenkoswe ili visaidie mapambano dhidi ya UKIMWI kwa njia ya nyimbo wilayani humo Kulia ni mratibu wa UKIMWI  wa wilaya hiyo Mariam Kimashi.
PICHA KWA HISANI YA MKURUGENZI WA HALMASHAURI YA WILAYA YA KALAMBO
NA RAMADHANI JUMA
OFISI YA MKURUGENZI-KALAMBO
 
OFISI ya Mkurugenzi wa Halmashauri ya wilaya ya Kalambo Mkoa wa Rukwa kupitia kitengo cha UKIMWI kimetumia zaidi ya shilingi milioni 8.5 kwa ajili ya kuimarisha mapambano dhidi ya ugonjwa huo katika wilaya hiyo.
 
Fedha hizo zimetumika kuwanunulia wanafunzi yatima wanaoishi katika mazingira magumu sare za shule, viatu pamoja vifaa vya kujifunzia ikiwemo madaftari na kalamu, ambapo Mwenyekiti wa Halmashauri hiyo Godfrey Sichona alikabidhi kwa walengwa kwa niaba ya Halmashauri.
 
Pia Halmashauri hiyo imenunua vifaa vya muziki kwa ajili ya vikundi viwili vya Sayuni kilichopo kata ya Legezamwendo na Sayuni cha Kata ya Mambwenkoswe ili vihamasishe wananchi kujikinga na ugonjwa huo.
 
Baadhi ya vifaa vya muziki vilivyotolewa na Halmashauri hiyo ya Kalambo ni gitaa tatu kila kikundi, spika, maikrofoni, genereta pamoja na vifaa vingine vya umeme.
 
Akizungumza wakati wa kukabidhi misaada hiyo, mwenyekiti huyo aliwakumbusha wakazi wa wilaya ya Kalambo na Mkoa wa Rukwa kwa ujumla kuwa, mapambano dhidi ya UKIMWI sio ya serikali pekee bali ni jukumu la kila mwanajamii zikiwezo taasisi za dini.
 
Naye mwenyekiti  wa kamati ya Kudhibiti UKIMWI wilaya ya Kalambo Faustine Mwanisenga aliwataka wanavikundi waliopatiwa msaada wa vifaa vya muziki na Halmashauri hiyi kuvitunza na kuvitumia vizuri ili kufikia malengo yaliyokusudiwa

Sunday, June 1, 2014

MKUTANAO WA WADAU WA HUDUMA YA AFYA YA MSINGI (PHC) KWA JAMII MKOANI RUKWA

Mkuu wa Mkoa wa Rukwa Eng. Stella Manyanya akifungua rasmi Mkutano wa wadau wa Huduma ya Afya ya Msingi (PHC - Primary Health Care) kwa Wananchi Mkoani Rukwa tarehe 30 Mei 2014 katika ukumbi wa RDC mjini Sumbawanga. Katika kikao hicho mambo mbalimbali ya msingi kuhusu afya ya jamii yalijadiliwa na kuwekewa mpango kazi wa utekelezaji katika kuimarisha afya ya jamii Mkoani Rukwa. Miongoni mwa mambo yaliyojadiliwa ni pamoja na mkakati wa kupunguza vifo vya mama wajawazito, maendeleo ya shughuli za usafi wa mazingira, utekelezaji wa shughuli za chanjo ya magonjwa mbalimbali, utaratibu wa utoaji wa PF 3, hali ya homa ya Dengu na lishe. 

Mkuu wa Mkoa wa Rukwa Eng. Manyanya akizungumza wakati wa ufunguzi wa mkutano huo. Katika salam zake za ufunguzi alisisitiza juu ya usafi wa mazingira ambao ndio kinga kuu ya magonjwa mbalimbali yakiwemo ya kuambukiza kama Dengu na magonjwa ya mlipuko. Aliupongeza mpango wa Sumbawanga Nga'ara ambao kwa kiwango kikubwa umeleta mabadiliko ya usafi katika mji wa Sumbawanga tofauti na siku za nyuma. Aliipongeza pia Halmashauri ya Manispaa ya Sumbawanga kwa hatua waliyofikia wa kuagiza magari mawili ya kubebea taka yatakasaidia katika kuimarisha mpango huo wa usafi katika Manispaa ya Sumbwanga na Mkoa wa Rukwa kwa ujumla.
Mganga Mkuu wa Mkoa wa Rukwa Dkt. John Gurisha akiwasilisha mada ya hali ya huduma ya afya ya mama, baba na mtoto Mkoani Rukwa katika mkutano huo.
Mwanasheria Mfawaidhi wa Serikali Mkoa wa Rukwa Msomi Prosper Rwegerera akiwasilisha mada ya utaratibu wa utoaji wa PF 3 kwa mtu alijeruhiwa. Alisema PF 3 ni muhimu katika ushahidi wa kimahakama pale mtu atakapokuwa anadai haki yake mahakamani kutokana na jeraha aliliopata na pia inakuwa ni kithibitisho cha kisheria kwa kilichotokea kwa majeruhi husika. Katikati ni Afsa Afya wa Mkoa wa Rukwa Ndugu Kenedy Kyauke.
Sehemu ya wadau wa Mkutano huo wakifuatilia mada mbalimbali zilizowasilishwa kwa umahiri mkubwa.
Sehemu ya wadau wa mkutano huo.
Sehemu ya wadau wa mkutano huo ulioshirikisha wajumbe mbalimbali kutoka katika sekta ya afya, asasi za kidini, viongozi wa Serikali na vyama vya siasa, watumishi wa Serikali na Sekta binafsi na wadau wengine waalikwa.