Monday, October 5, 2015

MAPOKEZI YA MKUU WA MKOA WA RUKWA MHE. MAGALULA SAID MAGALULA WILAYANI NKASI

Mkuu wa Mkoa wa Rukwa Mhe. Magalula Said Magalula akisalimiana na viongozi pamoja na watumishi wa ofisi ya Mkuu wa Wilaya ya Nkasi alipowasili Wilayani humo kwa mara ya kwanza baada ya uhamisho akitokea Mkoani Tanga.
 Mkuu wa Wilaya ya Nkasi Mhe. Iddi Hassan Kimanta akisoma taarifa ya shughuli za maendeleo ya Wilaya ya Nkasi kwa Mkuu wa Mkoa wa Rukwa Mhe. Magalula Said Magalula alipotembelea ofisi yake tarehe 1 Oktoba 2015. (PICHA NA FRANK MATENI - OFISI YA MKUU WA MKOA RUKWA)

Wednesday, September 23, 2015

MKUU WA MKOA WA RUKWA ALIYEHAMISHWA KUTOKA TANGA MAGALULA SAID MAGALULA AWASILI MKOANI RUKWA NA KUKABIDHIWA RASMI OFISI YAKE MPYA

Mkuu wa Mkoa wa Rukwa aliyehamishwa kutoka Tanga Mhe. Magalula Said Magalula (katikati) akisalimiana na watumishi wa ofisi yake mpya waliokusanyika kumpokea rasmi nje ya jengo la ofisi hiyo jana tarehe 22 Septemba 2015.

Mkuu Mpya wa Mkoa wa Rukwa Mhe. Magalula Said Magalula kulia na Katibu Tawala Mkoa huo Ndugu Smythies Pangisa kwa niaba ya Mkuu wa Mkoa wa Rukwa aliyemaliza muda wake Eng. Stella Manyanya ambaye yupo kwenye harakati za kugombea Ubunge Jimbo la Nyasa wakisaini nyaraka za makabidhiano ya ofisi mapema tarehe 22 Septemba 2015.

Katibu Tawala Mkoa wa Rukwa Ndugu Smythies Pangisa wa pili kulia kwa niaba ya aliyekuwa Mkuu wa Mkoa huo Eng. Stella Manyanya akimkabidhi rasmi nyaraka za makabidhiano ya ofisi Mkuu mpya wa Mkoa huo aliyehamishwa kutoka Tanga Mhe. Magalula Said Magalula kulia jana tarehe 22 Septemba 2015. Wanaoshuhudia kushoto ni Mganga Mkuu wa Mkoa wa Rukwa Dkt. John Gurisha na Katibu Tawala Msaidizi Utawala na Rasilimali Watu Ndugu Erasmus Rugarabamu. 
Mkuu wa Mkoa wa Rukwa Mhe. Magalula Said Magalula akizungumza muda mfupi baada ya kukabidhiwa rasmi ofisi yake mpya kufuatia uhamisho wa hivi karibuni kutoka Mkoa wa Tanga. Katika salamu zake alishukuru kwa mapokezi mazuri na kuomba ushirikiano kwa viongozi na watumishi katika kutimiza majukumu ya msingi ya kuwaletea maendeleo wananchi wa Mkoa wa Rukwa. Aliwataka viongozi pamoja na watumishi kutambua majukumu yao ya msingi ambayo ni kutoa huduma bora kwa wananchi, alisisitiza pia juu kilimo bora chenye tija kwa kuwapa wananchi huduma stahiki. Kutokana na kuwepo kwa tishio la Mvua juu wa wastani (Elnino) Mkuu huyo wa Mkoa amewaagiza viongozi wa halmashauri kuwapa wananchi wao tahadhari na kuhakikisha wanaoishi katika mazingira hatarishi wanaondoka na wengine kuboresha nyumba zao.
 Sehemu ya wakuu wa idara walioshiriki kikao hicho cha makabidhiano.
Kutoka kushoto ni Mkuu wa Wilaya ya Sumbawanga Ndugu Methew Sedoyyeka, Mkurugenzi wa Halmashauri ya Wilaya ya Kalambo Ndugu Benson Kilangi na Mkurugenzi wa Manispaa ya Sumbawanga Ndugu Hamid Njovu wakishuhudia makabidhiano hayo.
 

Tuesday, August 11, 2015

MENEJIMENTI YA OFISI YA MKUU WA MKOA WA RUKWA YAMPONGEZA MKUU WA MKOA HUO ENG. STELLA MANYANYA KWA USHINDI WA KISHINDO KURA ZA MAONI CCM JIMBO LA MBINGA MAGHARIBI

Kaimu Katibu Tawala Mkoa wa Rukwa ambaye pia ni Katibu Tawala Msaidizi Utawala na Rasilimali Watu Ndugu Erasmus Rugarabamu kwa niaba ya Menejimenti ya Ofisi ya Mkuu wa Mkoa Rukwa akitoa pongezi kwa Mkuu wa Mkoa wa Rukwa Eng. Stella Manyanya ambaye pia ni Mbunge Viti Maalum Mkoa wa Ruvuma kwa ushindi mnono alioupata katika kura za maoni za Chama cha Mapinduzi (CCM) katika kutafuta mgombea wa ubunge Jimbo la Mbinga Magharibi. Eng. Manyanya alishinda kwa kura 13,276 ambapo mshindi wa pili alikua na kura 3,466. Jumla ya wagombea walikua 10 ambapo tisa kati yao walikuwa ni wanaume.
 
 Awali Jimbo hilo lilikuwa nimeshikiliwa na hayati Capt. John Komba. Kwasasa imebaki hatua ya mwisho ya majina ya wagombea kupitishwa na Uongozi wa juu wa Chama kwa ajili ya kupeperusha bendera ya Chama  cha Mapinduzi majimboni katika uchaguzi Mkuu mwezi Oktoba mwaka huu 2015. Uongozi na Watumishi wote wa Ofisi ya Mkuu wa Mkoa wa Rukwa unamtakia kila la heri Eng. Manyanya katika safari yake hiyo na hatimae aweze kushinda katika Jimbo hilo. 
 
Akitoa shukurani kwa niaba ya watumishi Katibu Tawala Msaidizi Kitengo cha Serikali za Mitaa Ndugu Albinus Mgonya alimpongeza Mkuu huyo wa Mkoa wa Rukwa kwa msukumo mkubwa wa maendeleo aliouweka katika kipindi cha uongozi wake hususani katika sekta ya elimu ambapo alianzisha Azimio la Kasense kwa ajili ya kuboresha miundombinu ya elimu mashuleni, Kuboresha afya ya mama wajawazito na watoto wachanga, usafi wa mazingira ambapo alianzisha kampeni ya Sumbawanga Ng'ara iliyozinduliwa na Mhe. Makamu wa Rais, Kampeni ya upandaji miti, kuboresha mazingira ya utalii katika maporomoko ya Mto Kalambo, kuboresha hali ya ulinzi na usalama katika Mkoa, Kuwaunganisha watumishi na viongozi katika kufanya kazi kwa pamoja n.k 
Mkuu wa Mkoa wa Rukwa Eng. Stella Manyanya akizungumza na Wakuu wa Idara na Vitengo Sekretarieti ya Mkoa wa Rukwa katika kikao kifupi cha kumpongeza baada ya kushinda katika kura za maoni Jimbo la Nyasa Magharibi kupitia CCM. Mkuu huyo wa Mkoa aliwataka Viongozi hao pamoja na watumishi kusimamia misingi aliyoiweka ya kufanya kazi kwa bidii na kwa uadilifu mkubwa, kufanya kazi kwa pamoja (team work) na kutekeleza majumu yao ya kila siku kwa ufanisi na ubunifu wa hali ya juu. Alisistiza kuwa maendeleo ya taifa la Tanzania hayataletwa tu kwa kutegemea vyama vya siasa bali kwa wananchi na wafanyakazi kutekeleza majukumu na wajibu wao ipasavyo kwa kuweka uzalendo mbele na kufanya kazi kwa bidii na uadilifu uliotukuka.   
 
 Katibu Tawala Msaidizi Kitengo cha Serikali za Mitaa Ndugu Albinus Mgonya akitoa Shukrani na Salamu za pongezi kwa niaba ya watumishi wa Ofisi ya Mkuu wa Mkoa wa Rukwa kwa Mkuu wa Mkoa huo Eng. Stella Manyanya kufuatia ushindi alioupata katika kura za maoni kutafuta mgombea wa CCM Jimbo la Mbinga Magharibi. Kwa sasa Mhe. Eng. Manyanya

Monday, July 27, 2015

MKUTANO WA UJIRANI MWEMA NCHI YA TANZANIA NA ZAMBIA MIKOA YA MPAKANI (RUKWA NA JIMBO KASAMA KASKAZINI) KUJADILI UDHIBITI WA MAGONJWA AMBUKIZI

Mganga Mkuu wa Mkoa wa Rukwa Dkt. John Gurisha kulia na Mganga Mkuu wa Jimbo la Kasama Kaskazini Zambia Dkt. Lawrence Phiri wakikabidhiana maazimio ya pamoja ya kuendesha itifaki ya ujirani mwema baina ya nchi hizo mbili katika kupambana na magonjwa yanayoambukiza maeneo ya mpakani. Anaeshuhudia katikati ni Mkuu wa Wilaya ya Nkasi Mhe. Iddi Kimanta aliyeongoza Mkutano huo  kwa niaba ya Mkuu wa Mkoa wa Rukwa Mhe. Eng. Stella Manyanya, Mkutano huo uliofanyika katika Hoteli ya Kalambo Falls Mjini Sumbawanga tarehe 25 Julai 2015.
Picha ya pamoja ya washiriki wa mkutano huo kutoka Ofisi ya Mkuu wa Mkoa, Ofisi ya Mkurugenzi Kalambo na Wageni kutoka jimbo la Kasama Kaskazini (Kasama North Province).

Thursday, July 16, 2015

MWENGE WA UHURU WAMALIZA MBIO ZAKE MKOANI RUKWA

Mkuu wa Mkoa wa Rukwa Eng. Stella Manyanya Kushoto akimkabidhi Mkuu wa Mkoa wa Katavi Dkt. Ibrahim Msengi Mwenge wa Uhuru baada ya kumaliza ziara yake Mkoani Rukwa na kuanza ziara zake Mkoani Katavi tarehe 15 Julai 2015. 
Mkuu wa Mkoa wa Rukwa Eng. Stella Manyanya (wa nne kulia mbele) na wakimbiza mwenge kitaifa na kimkoa wakiukimbiza Mwenge wa Uhuru kwa ajili ya kuukabidhi Mkoani Katavi tarehe 15 Julai 2015 baada ya kumaliza ziara yake Mkoani Rukwa.
 Mkuu wa Wilaya ya Nkasi Iddi Hassan Kimanta (wa kwanza mbele) na wakimbiza Mwenge kitaifa na kimkoa wakiukimbiza Mwenge wa Uhuru Wilayani Nkasi mara baada ya kuweka jiwe la msingi katika ujenzi wa mradi wa maji katika Kijiji cha Kalundi Wilayani humo tarehe 14 Julai 2015. 
Moja ya mtambo wa kisasa wa umwagiliaji katika shamba la umwagiliaji la Ntatumbila Wilayani Nkasi. Mradi huu wa shamba la umwagiliaji na mifugo lina ukubwa wa hekta 1,000 na linamilikiwa na kuendeshwa na wazawa ambapo mpaka kukamilika kwake utagharimu fedha za kitanzania shilingi bilioni 46.
Miongoni mwa wamiliki wa shamba hilo na Kiongozi wa mbio za Mwenge wa Uhuru kitaifa ndugu Juma Khamis Chum wakipiga picha ya pamoja na Mwenge wa Uhuru mara baada ya uzinduzi wa mradi wa umwagiliaji katika shamba hilo la Ntatumbila Wilayani Nkasi.

Saturday, July 11, 2015

MWENGE WA UHURU WAANZA ZIARA YA SIKU NNE MKOANI RUKWA LEO

Mkuu wa Wilaya ya Momba Richard Mbeho kushoto kwa niaba ya Mkuu wa Mkoa wa Mbeya Abbas Kandoro akimkabidhi Mwenge wa Uhuru Mkuu wa Wilaya ya Sumbawanga Methew Sedoyyeka kwa niaba ya Mkuu wa Mkoa wa Rukwa Eng. Stella Manyanya leo tarehe 11 Julai 2015 tayari kwa kuanza mbio zake za siku nne Mkoani Rukwa. Mwenge wa Uhuru utatembelea miradi mbalimbali ya maendeleo yenye thamani ya zaidi ya Tsh. bilioni 11. 
Katibu Tawala Mkoa wa Rukwa Ndugu Smythies Pangisa akishika Mwenge wa Uhuru ulipowasili  Mkoani Rukwa leo tarehe 11 Julai 2015.
 
 Baadhi ya wananchi wa Kijiji cha Mkutano Mkoani Rukwa wakiwa wamebeba bendera ya taifa kwa ajili ya kuipeleka na kuipeperusha eneo la makabidhiano ya Mwenge wa Uhuru kutoka Mkoa wa Mbeya kwenda Mkoa wa Rukwa.
 Katibu Tawala Msaidizi Utawala na Rasilimali Watu Ofisi ya Mkuu wa Mkoa wa Rukwa Ndugu Erasmus Rugarabamu akishika mwenge wa Uhuru baada ya kuwasili Mkoani Rukwa leo.
Kiongozi wa Mbio za Mwenge Kitaifa Ndugu Juma Khatibu Chum akikata utepe kuashiria kuzindua rasmi mradi wa maji ya mserereko katika kijiji cha Kamnyazia Wilayani Sumbawanga leo katika ziara ya mbio za mwenge wa Uhuru Mkoani Rukwa.
Sehemu ya wananchi wakishuhudia mwenge wa Uhuru Mkoani Rukwa leo.


Friday, July 3, 2015

KAIMU KATIBU TAWALA MKOA WA RUKWA NDUGU ERASMUS RUGARABAMU AFUNGUA RASMI MAFUNZO YA SIKU SITA YA WALIMU WAKUU NA WARATIBU ELIMU KATA JUU MUONGOZO WA UENDESHAJI SHULE NA USIMAMIZI WA UFUNDISHAJI WA KUSOMA, KUANDIKA NA KUHESABU KWA SHULE ZA MSINGI MKOANI RUKWA

Kaimu Katibu Tawala Mkoa wa Rukwa Ndugu Erasmus Rugarabamu akizungumza wakati wa ufunguzi wa mafunzo ya siku sita ya Walimu Wakuu Shule za Msingi na Waratibu Elimu Kata juu ya muongozo wa uendeshaji wa shule (School Management Tool Kit) pamoja na usimamizi wa ufundishaji wa kusoma, kuandika na kuhesabu leo tarehe 03 Julai 2015. Mafunzo hayo yanayoendeshwa na Serikali kupitia Wizara ya Elimu yanafanyika Mkoani Rukwa katika Chuo cha Ualimu Sumbawanga ambapo jumla ya washirikia 200 kutoka Halmashauri mbili za Manispaa ya Sumbawanga na Sumbawanga Vijijini wameshiriki kwenye awamu hii ya kwanza ya mafunzo. Mafunzo haya ni sehemu ya mpango wa BRN wenye lengo la kuinua ubora wa elimu nchini.
 Ndugu Nicholaus Moshi ambae ni Mratibu wa Programu ya Mafunzo ya Waalimu Kazini Wizara ya Elimu na Mafunzo ya Ufundi akizungumza katika Semina hiyo. Ndugu Moshi ni mmoja ya wawezeshaji wakuu katika Mafunzo hayo.
 Sehemu ya washiriki wa mafunzo hayo.
 Mkuu wa Chuo cha Ualimu Sumbawanga Bi. Witnes Maeda akitoa nasaha zake katika mafunzo hayo.
Mmoja ya washiriki akitoa neno la shukurani kwa niaba ya washiriki wote.

Tuesday, June 23, 2015

ZOEZI LA UANDIKISHAJI WA DAFTARI LA KUDUMU LA WAPIGA KURA KUKAMILIKA LEO MKOANI RUKWA

 Zoezi la uandikishaji likiwa linaendelea katika kituo cha Katandala "A" kilichopo katika jingo la Ofisi ya Mkuu wa Mkoa wa Rukwa Mjini Sumbawanga tarehe 22 Juni 2015. Zoezi hilo linategemewa kukamilika leo tarehe 23 Juni 2015.

Thursday, June 18, 2015

MATUKIO KATIKA PICHA KWENYE HAFLA YA KUMUAGA RAS TANGA NA KUMKARIBISHA RAS RUKWA KATIKA UKUMBI WA KANYAU SUMBAWANGA MJINI

Mkuu wa Mkoa wa Rukwa Eng. Stella Manyanya akisalimiana na Aliyekuwa Katibu Tawala Mkoa wa Rukwa sasa Mkoa wa Tanga Alhaj Salum Chima  muda mfupi kabla ya kuanza kwa hafla ya kumuaga Ndugu Chima na kumkaribisha Ndugu Smythies Pangisa (katikati) aliyekuwa Katibu Tawala Mkoa wa Mtwara sasa Mkoa wa Rukwa. Hafla hiyo ilifanyika tarehe 13 Juni 2015 katika ukumbi wa Kanyau Sumbawanga Mkoani Rukwa.
Mwenyekiti wa Kamati ya maandalizi ya hafla hiyo ambaye pia ni Meneja wa SIDO Mkoa wa Rukwa Ndugu Martin Chang'a akitoa salam za utangulizi katika hafla hiyo.
Meza Kuu.
Mkuu wa Mkoa wa Rukwa Eng. Stella Manyanya akizungumza katika hafla hiyo. Aliwaasa watumishi kufanya kazi kwa bidii, uadilifu na ubunifu mkubwa na kwamba  ndiyo siri pekee ya mafanikio katika utendaji wao wa kazi.  
Katika hali isiyotegemewa na wengi Katibu Tawala Mkoa wa Tanga Alhaj Salum Chima "Muagwa" alitoa zawadi ya machungwa kutoka Tanga ambayo yaligawiwa kwa washiriki wote wa hafla hiyo kama inavyoonekana pichani.
Baadhi ya watumishi wa Ofisi ya Mkuu wa Mkoa Rukwa katika hafla hiyo.
Katibu Tawala Mkoa wa Rukwa Ndugu Smythies Pangisa akizungumza katika hafla hiyo. Kabla ya hapo alikua Katibu Tawala Mkoa wa Mtwara.
Katibu Tawala Mkoa wa Tanga Alhaj Salum Chima wa pili kushoto akionyesha umahiri wake wa kucheza ngoma ya kinyaturu na baadhi ya wanakikundi wa ngoma hiyo.
Katibu Tawala Mkoa wa Tanga Alhaj Chima na Mkoa wa Rukwa Ndugu Pangisa wakipokea zawadi kutoka kwa Watumishi Ofisi ya Mkuu wa Mkoa Rukwa.
Washiriki wote katika hafla hiyo walipata fursa ya kupeana mikono na Makatibu Tawala hao wa Mkoa wa Tanga na Rukwa.
Watumishi waliofanya kazi kwa karibu zaidi na Katibu Tawala Mkoa wa Tanga Alhaj Salum Chima wakikabidhi zawadi zao.
Picha ya Pamoja kati ya wageni wa meza kuu na wakuu wa idara Sekretarieti ya Mkoa wa Rukwa.

Saturday, May 23, 2015

MKUU WA MKOA WA RUKWA ENG. STELLA MANYANYA AONGOZA KIKAO CHA DHARURA CHA KAMATI YA USHAURI YA MKOA RCC NA KUPITISHA MAPENDEKEZO YA KUANZISHA MAJIMBO MAWILI MAPYA YA UCHAGUZI KATIKA WILAYA ZA SUMBAWANGA NA KALAMBO

Mkuu wa Mkoa wa Rukwa Eng. Stella Manyanya kulia akizungumza wakati akiongoza kikao cha Kamati ya Ushauri ya Mkoa (RCC) kujadili na kufanya uamuzi wa kuanzisha majimbo mapya ya uchaguzi katika wilaya ya Sumbawanga na Kalambo leo tarehe 23 Mei 2015. Kikao hicho kimeridhia mapendekezo hayo ya Halmashauuri husika baada ya kukidhi vigezo ambapo yatapelekwa ngazi za juu kwa uamiuzi zaidi. 

Majimbo hayo yatazaliwa katika majimbo yaliyopo hivi sasa ambapo kwa jimbo la Kwela ambalo lipo katika Wilaya ya Sumbawanga litazaa jimbo la Ziwa Rukwa baada ya kukidhi vigezo vyote vilivyowekwa na tume ya taifa ya uchaguzi ikiwemo ya idadi ya watu na ukubwa wa jografia. Kwa upande wa jimbo la Kalambo ambalo lipo katika Wilaya ya Kalambo linatarajiwa kuzaa Jimbo jingine la Mambwe. Kushoto ni Katibu Tawala Mkoa wa Rukwa Ndugu Smythies Pangisa.
 Sehemu ya wajumbe na waalikwa katika kikao hicho.
 Katibu Tawala Mkoa wa Rukwa Ndugu Smythies Pangisa akitoa taarifa iliyopokelewa na ofisi yake kutoka Tume ya Taifa ya Uchaguzi juu ya maelekezo ya kuchunguza mipaka na kugawa Majimbo ya Uchaguzi kwa ajili ya Uchaguzi Mkuu wa mwaka 2015. Kulia ni Mkuu wa Mkoa wa Rukwa Eng. Stella Manyanya na Kushoto ni muwakilishi wa Mwenyekiti wa CCM Mkoa wa Rukwa Ndugu Clemence Bakuli ambaye ni Katibu Mwenezi wa Chama hicho Mkoa.
 Sehemu ya wajumbe na waalikwa katika kikao hicho.
 Mkuu wa Mkoa wa Rukwa Eng. Stella Manyanya akifafanua jambo katika kikao hicho. Kulia ni Mkuu wa Wilaya ya Nkasi Mhe. Iddi Hassan Kimanta.
 Sehemu ya wajumbe na waalikwa wa kikao hicho.
 Sehemu ya wajumbe na waalikwa katika kikao hicho.