Sunday, August 20, 2017

SERIKALI imesema inaendelea kuboresha huduma za afya ya uzazi namtoto ili wajawazito wanaohudhuria kliniki na kujifungulia katika vituovinavyotoa huduma ya afya 2020.
Waziri wa Afya, Maendeleo ya jamii, Wananwake jinsia Wazee na Watoto Mh. Ummy Mwalimu akifafanua namna mkoa wa Rukwa Ulivyofanikiwa katika kuboresha huduma ya mama na mtoto

Hayo yalibainishwa na Waziri wa Afya, Maendeleo ya Jamii,Jinsia, Wazee na Watoto, Ummy Mwalimu mjini Nkasi akiwa katika ziara ya kikaziya siku mbili katika mkoa wa Rukwa. Alisema wajawazito wanaohudhuria nakujifungulia kwenye vituo vinavyotoa huduma za afya imefikia asilimia 95 hukukitaifa ikiwa asilimia 64.
“Niwapongezeni Rukwa maana tayari mmefikia asilimia 95 yawajawazito wanaojifungulia katika vituo vinavyotoa huduma za afya hata kabla ya2020 hongereni sana ndio maana vifo vya wajawazito mkoani hapavinavyosababishwa na matatizo ya uzazi viko chini,” alisema.
Waziri wa Afya, Maendeleo ya jamii, Wananwake jinsia Wazee na Watoto Mh. Ummy Mwalimu katika picha pamoja na viongozi wa mkoa wa Rukwa pamoja na viongozi wa Hospitali teule ya Wilaya ya Sumbawanga Dk. Atman. 
Awali Mganga Mkuu wa Mkoa wa Rukwa, Dk Boniface Magangaalimueleza Waziri Mwalimu kuwa vituo 214 kati ya 223 vilivyopo mkoani humovinatoa huduma muhimu ya uzazi na mtoto ambapo wajawazito 161,089 walihudhuriakliniki mwaka 2016.
Aliongeza kuwa katika kipindi hicho wajawazito 43, 938 kati yao41,698 ikiwa ni sawa na asilimia 95 walijifungulia katika vituo vinavyotoahuduma ya afya ambapo 2,240 sawa na asilimia 15 walijifungulia nje ya vituo hivyo.Aidha, watoto wapatao 47,268 wenye umri chini ya mwaka mmoja walipatiwa chanjoikiwa ni asilimia 93 ya watoto 50,728 waliotarajiwa kupewa chanjo.

Mh. Ummy awaagiza watendaji wa afya kuwa na takwimu sahihi muda wote.



Waziri wa Afya, Maendeleo ya jamii, Wanawake, Jinsia na Watoto akitoa maelekezo kwa baadhi ya viongozi wa Mkoa wa Rukwa. 
Waziri wa afya Maendeleo ya Jamii jinsia wazeena watoto Mheshimiwa Ummy Mwalimu, ameiagiza timu ya uendeshaji wa huduma zaafya ya mkoa wa Rukwa, kusimamia utendaji wa vituo vyote vya kutolea huduma yaafya ili kudhibiti takwimu zisizokuwa sahihi, ambazo zinasababisha bajeti yadawa isiwe halisi na kuendelea kuwepo upungufu mkubwa wa dawa.

Waziri huyo Ummy Mwalimu akiongea kwenye kituo cha afya chaMatai wilayani Kalambo, ameshangazwa kuona menejimenti ya kituo hicho cha afyaambacho hivi sasa kinatumika kama hospitali ya wilaya hiyo, inakuwa haijui kwauhalisi bajeti ya dawa, na huku wakiendelea kupata bajeti ya kiwango cha katakwa idadi ya watu elfu tatu, wakati sasa matai ni makao makuu ya wilaya naidadi ya watu ni zaidi ya 10,000 jambo ambalo haliendani na upatikanaji wa dawa.

Nae katibu tawala wa Wilaya ya Kalambo Bw. Frank Sichalwe, aliilalamikia boharikuu ya dawa MSD kanda ya Mbeya, kwa kuwapelekea dawa nyingi ambazo zinazokaribia kuisha muda wa matumizi, na kuongeza kuwa wilaya hiyo inakabiliwa na tatizo kubwa la kutokuwa na gari la wagonjwa kabisa jambo ambalo linasababisha serikali kushindwa kufikisha huduma katika vijiji vilivyo mbali na makao makuu ya mji. 

Kwa kujibu hilo Mh. Ummy Mwalimu aliwatahadharisha watendaji wa Afya katika kituo hicho kuhakikisha wanaagiza dawa wanazohitaji mapema na kusisitiza kuwa bohari ya dawa haiwezi kuwapelekea dawa bila ya kujua mahitaji yao. 

Wednesday, August 16, 2017

Kilio cha Wananchi nane nane chasababisha agizo la RC Rukwa.

Wananchi wa Halmashauri ya manispaa ya Sumbawanga Mkoani Rukwa wamemuomba mkuu wa Mkoa huo kamishna Mstaafu Zelote Stephen Kufanya maonyesho ya Nane nane Kimkoa ili wakulima na wafugaji wasioweza kufika katika ngazi ya kanda wapate fursa ya kuelimika na kuonesha bidhaa zao Kimkoa.




 Maombi hayo yametolewa na wananchi wa Manispaa hiyo baada ya Mh. Zelote Stephen kutembelea mabanda kadhaa ya maonesho ya nanenane yaliyofanyika katika Manispaa hiyo kwenye kituo cha kilimo katika Kijiji cha Katumba azimio ili kutoa fursa kwa wakulima na wafugaji wadogo kuonyesha bidhaa zao.

“mheshimiwa Mkuu wa Mkoa wanaokwenda kwenye maonyeshoi ya nanenane kanda ni wachache sana na wengi tuliopo hatuna vipato vya kutosha kutufikisha huko, hivyo tunaomba tufanye nane nane ya Kimkoa ili nasi tuweze kuonyesha bidhaa zetu na tuweze kujifunza kwa wenzetu,” Alisema Pscal Mwanisawa Mkulima wa Kijiji cha Ulinji Manispaa ya Sumbawanga.


Kuwepo kwa maonyesho hayo ni utekelezaji wa pendekezo la Mh. Zelote aliyetaka kila halmashauri kufanya maonesho ili wakulima na wafugaji waweze kuelimishana na kutambulika katika maeneo yao ili wapate msaada kutoka kwa maafisa ugani ili kuongeza tija katika kilimo na ufugaji na hatimae kuongeza thamani katika mazao yao.

Akipokea maombi hayo Mkuu wa Mkoa wa Rukwa Kamishna Mstaafu Zelote Stephen amesema kuwa ili wananchi waweze kujikwamua ni muhimu kuungana na kuwa na utambulisho wa aina moja wenye bidhaa tofauti katika makundi yao ili kuwa na nguvu.


“Muitikio wa wakulima na wafugaji katika Mkoa wa Rukwa upo juu sana, ila hawapewei nafasi, sasa mwakani ni lazima kwa Halmashauri zote kufanya nane nane katika Halmashauri zao. Nitasimamia kila mtu apate nafasi ili kujifunza teknolojia mpya na tuachane na mambo ya zamani,” Mh. Zelote alisema.

Katika kuunga mkono ombi la wananchi hao Mbunge wa Viti maalum Mh. Silafi Maufi, alipongeza juhudi za Mh. Zelote kwa kuhakikisha wananchi wa Halmashauri wanapata nafasi ya kuonesha bidhaa zao mbali na kuongeza kuwa ni jambo linalowezekana kufanya “Nane nane” ya kimkoa.


“ mheshimiwa mkuu wa Mkoa umekuwa shahidi kwa namna maonyesho yalivyofana ni Dhahiri kuwa inawezekana kufanya nane nane ya kimkoa katika mkoa wetu wa Rukwa,” Mh. Maufi alimalizia. 

RC Rukwa ashauri Nanenane nyanda za juu kusini kushirikisha nchi za SADC

Mkuu wa Mkoa wa Rukwa KamishnMstaafu Zelote Stephen ameishauri kamati ya maandalizi ya nanenane nyanda za juu kusini kufikiria kushirikisha nchi za SADC ili kuongeza hamasa na kuleta ushindani kwa watanzania wafahamu yanayofanyika katika nchi za jirani.



Ametoa ushauri alipokuwa akifanya majumuisho baada ya kutembelea mabanda 16 ya bidhaa mbalimbali za kilimo katika maonesho ya nane nane kwa kanda ya nyanda za juu kusini yanayofanyika katika viwanja vya John Mwakangale jijini Mbeya ambapo Mh. Zelote Stephen alikuwa mgeni rasmi wa siku ya tatu tangu ufunguzi wa maonesho hayo.


“Tuachane na mazoea, maonyesho haya yana miaka 25 sasa tuyaboreshe zaidi, isiswe ni mikoa hii tu saba, tupanue wigo, kwakiwa huku ni nyanda za juu kusini basi tufikirie kuzishirikisha nchi za SADC ambazo zitasaidia kubadilishana biashara na teknolojia pamoja na kutafuta masoko,” Alifafanua.


Akisisitiza suala hilo Mh. Zelote alibainisha kuwa nchi ya Tanzania inafikika kwa njia zote, ardhini, majini na angani huku akitaja meli mbili zilizozinduliwa Mkoani Mbeya na Waziri Mkuu Mh. Kasim Majaliwa, treni ya TAZARA pamoja na ndege zinazomilikiwa na nchi yetu.   

Aidha amezishauri halmashauri kuanza maandalizi kwa kuwa na siku maalum kwaajili ya maadhimisho hayo kihalmashauri ili kuwapa ujuzi na kujua ubora wa vitu ambavyo vinaweza kupelekwa kwenye maadhimisho ya nanenane kikanda ili kuimarisha ushindani na kumpa kila mwananchi nafasi ya kuelimika ili kuwa na kilimo chenye tija.


Akiunga Mkono Kauli ya Mkuu wa Mkoa wa Rukwa, Mwenyekiti wa Halmashauri ya Wilaya ya Sumbawanga Mh. Kilolo Ntila alityekuwemo katika msafara huo alisisitiza kuwa maonesho ya nanenane yanayofanyika kikanda yanalenga watu wenye kipato cha kutoka katika halmashauri zao na kukusanyika jijini Mbeya huku wakulima wasio na uwezo wakikosa elimu inayopatikana kutokana na maonyesho hayo.

“Nikiongezea aliyoyasema Mheshimiwa Mkuu wangu wa Mkoa, kwa nafasi yake namuomba aweze kushawishi haya makampuni makubwa kuweza kusambaza wataalamu wao katika Halmashauri zetu ambapo kuna uhitaji mkubwa wa elimu hii inayotolewa hapa katika viwanja hivi vya nanenane na wao ndio walengwa wakubwa wa shughuli hii,” alisema.


Pamoja na hayo Mh. Zelote alitoa wito kwa wananchi wote wenye nafasi wajitokeze kwa wingi kwenye maonyesho hayo ili waweze kuelimika kutokana na mafunzo mbalimbali yanayotolewa viwanja hivyo vya nanenane na kusifu maandalizi ya sherehe hizo.


Vijiji 111 kuwa na Umeme Mkoani Rukwa Kufikia 2019

Naibu Waziri wa Nishati na Madini,Dkt Medard Kalemani ameendelea na ziara za uzinduzi wa Miradi ya Umeme Vijijini Awamu ya Tatu (REA PHASE III) ambapo Agosti 14, 2017 alikuwa Mikoani Rukwa katika Kijiji cha Kabwe Wilaya ya Nkasi.
Dkt. Kalemani alisema jumla ya Shilingi Bilioni 42.5 zitatumika kupeleka umeme katika Mkoa huo na kuongeza Mradi huo utatekelezwa katika vipindi viwili tofauti ambapo sehemu ya kwanza itahusisha upelekaji umeme katika vijiji 111. 
"Sehemu ya pili itahusisha vijiji 145 ambapo itaanza baada ya kukamilika kwa sehemu ya kwanza. Kufikia mwaka 2021 vijiji vyote vya Mkoa wa Rukwa vitakuwa vimepatiwa umeme".Alisema Dk. Kalemani.
Aidha, Dkt. Kalemani alimtambulisha Mkandarasi atakayejenga Mradi wa REA Mikoani humo Kampuni ya Kitanzania ya Nakuroi Investment Company Limited.
Alimwagiza Mkandarasi kuhakikisha anapeleka umeme Kijiji kwa Kijiji na Kitongoji kwa Kitongoji bila kuruka na sehemu zinazot



oa huduma za Kijamii kama Mashule, Zahanati, Magereza, Visima vya maji, Nyumba za Ibada na sehemu mbalimbali. 
Pia alitoa maagizo kwa TANESCO kupeleka Ofisi katika Kijiji cha Kabwe na katika maeneo yote yenye Wateja wengi lakini wapo mbali na Huduma za TANESCO.
Aliongeza kwa kuwataka Mameneja na Watalaamu wa TANESCO kutokukaa Ofisini bali wawafuate Wateja.Awali, Kaimu Mkurugenzi Mtendaji TANESCo, Dkt. Tito E. Mwinuka aliwaomba Wananchi hao wa Kabwe kuwa waaminifu na kutoa ushirikiano kwa Watendaji wa TANESCO kabla na hata baada ya Mradi kukamilika. 
"Muitunze miundombinu ya umeme, msiihujum wala kuichoma moto". Alisema Dkt. Mwinuka.Alisema TANESCO imejipanga kuhakikisha Wananchi hao wanapata huduma ya umeme iliyobora na ya uhakika.  
Mbunge wa Nkasi, Ali Kessy aliwaeleza Wananchi kuwa mradi huo wa usambazaji umeme vijijini hauna malipo ya fidia hivyo watoe ushirikiano kwa wakandarasi hao wakati wanatekeleza mradi huo. 
Mkuu wa Wilaya ya Nkansi Mheshimiwa Saidi Mtanda aliushukuru Uongozi wa TANESCO kwa kwani umekuwa ukitoa ushirikiano pale unapohitajika. 
"Mheshimiwa Mgeni Rasmi katika Kijiji cha Nyamare kwenye chanzo cha maji tulileta Mkandarasi akatukadilia bei ya Transifoma milioni 60, tuliwasiliana na uongozi wa TANESCO wametufungia Transfoma kwa pesa zao milioni 24". Alisema Mheshimiwa Mtanda.
Mh,Dkt Medard Kalemani alimalizia uzinduzi Mkoani Rukwa kwa kukakabidhi kifaa cha UMETA kwa wazee 10 wa Kijiji hicho ambao hawana uwezo wa kumiliki ikiwa ni nia ya wamu ya serikali ya awamu ya tano kuwainua waliochini. 

“Hatuhitaji Kupeleka mahindi Dar es Salaam, tunahitaji kupeleka unga,” RAS Rukwa.

Katibu Tawala wa Mkoa wa Rukwa, Benard Makali amewasisitizia wafanyabiashara wadogo na wakubwa wa mahindi kuachana na tabia ya kusafirisha mahindi kwenda mikoani na badala yake waongeze thamani ya mazao hayo na kusafirisha unga kwenda kwenye mikoa hiyo.
Katibu Tawala wa Mkoa wa Rukwa, Benard Makali 

Ameyasema hayo alipokuwa akifungua kikao cha wadau wa uwekezaji kwenye sekta ya Viwanda Mkoani hapa iliyohudhuriwa na wakurugenzi wa Halmashauri, Mameneja kutoka TANROADS, TANESCO, SIDO na wamiliki wa viwanda katika mkoa.
“Mkoa kama wa Dar es Salaama hawahitaji mahindi wanahitaji mazao yanayotokana na mahindi kama ni unga, ama pumba kwaajili ya chakula cha mifugo lakini utaona kuna malori yamejaza magunia ya mahindi yakielekea Dar es salaam badala ya kupeleka unga.” Amesema.
Awali alipokuwa akisoma hotuba kwa niaba ya mkuu wa Mkoa, Benard Makali alisema kuwa Mkoa wa Rukwa unaendelea kuweka mazingira wezeshi ili kila mwenye nafasi na awezo ashiriki kikamilifu katika kuzalisha bidhaa kwa kuzingatia viwango na ubora wa mahitaji ya Soko.
Aliongeza kuwa Mkoa wa Rukwa una fursa nyingi za uwekezaji katika maeneo ya kilimo, mifugo na uvuvi hiuvyo basi aliwaasa wakurugenzi wa Halmshauri kushirikiana na Ofisi ya Mkuu wa mkoa kujikita katika kutangaza fursa za uwekezaji zilizopo katika Halmashauri zao ili kuvutia wawekezaji wakubwa na wadogo ili waweze kuwekeza katika sekta hizo.
Kwa mujibu wa orodha ya viwanda Tanzania Bara ya mwaka 2015 kutoka  Ofisi ya Taifa ya Takwimu (NBS), Mkoa wa Rukwa una takribani viwanda 950 huku viwanda vidogo sana 869 vyenye uwezo wa kuajiri watu kuanzia 1 hadi 4 vikichukua asilimia 91.5,  na viwanda vidogo 78 ambavyo ni sawa na asilimia 8.2 ,Viwanda vya kati 2 ambavyo ni sawa na asilimia 0.2 na kiwanda kikubwa  1.  
Serikali Mkoani Rukwa imefanya kikao na wadau wa sekta ya viwanda mkoani humo ili kuzungumzia namna ya kuziimarisha fursa zilizopo katika Mkoa na hatimae kuwavutia wawekezaji kutoka mikoani na nje ya nchi kuwekeza katika mkoa Ili kufuikia azma ya serikali ya awamu ya tano ya Tanzania ya Viwanda.

RC Rukwa atoa wito ufuatiliaji wa karibu katika ugawaji wa vyandarua kwa Mkoa mzima

Mkuu wa Mkoa wa Rukwa Kamishna Mstaafu Zelote Stephen ametoa wito kwa watekelezaji wa mpango wa mpango wa taifa wa kudhibiti malaria katika Mkoa kufanya ufuatiliaji wa karibu ili kuepuka matatizo yaliyojitokeza katika mfumo uliotangulia.
Ametoa wito huo alipokuwa akifungua mkutano wa uhamasishaji kuhusu mpango wa ugawaji wa vyandarua kupitia vituo vya kutolea huduma za afya uliowashirikisha wakurugenzi wa Halmashauri, Wakuu wa Wilaya pamoja na waganga wakuu wa Halmashauri na Mkoa.
Ugawaji huu wa vyandarua ulikuwa ukijulikana kwa jina la Hati Punguzo uliokuwa ukitumia vocha maaluma na kulipia Shilingi 500, mpango ambao ulisitishwa mwaka 2014 kutokana na ubadhirifu uliotokea kwenye vituo vya kutolea huduma za afya ambapo watopa huduma walikuwa wakishirikiana na wakala kuandika vocha hewa na wakala kuchukua fedha bila ya kutoa huduma.
“kutokana na umuhimu wa kuwakinga wajawazito na watoto chini yam waka mmoja Serikali imeamua kuanzisha utaratibu wa ugawaji wa vyandarua kwa mjamzito na mtoto chini yam waka mmoja, moja kwa moja kutoka kwa mtoa huduma ya afya bila ya malipo yoyote wala uwakala,” Mh. Zelote alisema.
Aliongeza kuwa lengo la mpango huu ni kupunguza vifo vya wajawazito na watoto chini ya miaka mitano vinavyosababishwa na ugonjwa wa malaria. Pia kuongeza upatikanaji na utumiaji wa vyandarua katika ngazi ya kaya na jamii kwa asilimia 85 au zaidi na mwishoni mwa mwezi wa nane mwaka 2017 vyandarua hivyo vitaanza kugaiwa kwa mkoa wa Rukwa.
Kwa upande wake muuguzi mkuu mwandamizi kutoka wizara ya afya Bi. Epiphania Malingumu alisema kuwa mgawo wa vyandarua hivyo utafanyika kupitia bohari ya dawa (MSD) na vituo vya serikali pekee ndivyo vitaweza kutoa vyandarua hivyo kwakuwa vina namba maalum kwaajili ya malipo, hivyo vituo binafsi havitaweza kutoa huduma hii.
“Mama mjamzito atapata chandarua katika hudhurio la kwanza kliniki haijtajalisha ni mimba ya miezi mingapi, kama amehudhuria kliniki kwa mara ya kwanza akiwa na ujauzito wa miezi nane basi atapewa chandarua na mtoto akizaliwa atapewa tena chandarua na kama amejifungua mapacha basi atapewa vyandarua viwili,” Alisema.
Tafiti za mwaka 2015/2016 zinaonesha maambukizi ya ugonjwa wa malaria ni alimia 14.8 kitaifa na kwa Mkoa wa Rukwa ni asilimia 2.7. kwa mwaka 2012 maambukizi yalikuwa asilimia 9.5 kitaifa na kimkoa ilikuwa asilimia 4.5 ambayo imepungua kwa asilimia 1.8.

Mh. Maghembe aeleza mikakati yake kuboresha utalii Mkoani Rukwa.Wazi

Waziri wa Maliasili na Utalii mh. Jumanne Magembe ameeleza umuhimu wa kuimarisha utalii katika Mkoa wa Rukwa kwa kuwa na kivutio kikubwa cha maporormoko ya Mto Kalambo ambapo maporomoko hayo ni ya pili kwa urefu barani Afrika.
Amesema kuwa imefika wakati sasa kuondokana na fikra ya utalii katika mikoa ya kaskazini peke yake na kuamua kuelekeza nguvu za uwekezaji katika mikoa ya kusini na nyanda za juu kusini kama Rukwa na Katavi.
Ameeleza kuwa mikoa hii inavivutio vingi sana na tayari kuna wawekezaji kadhaa ambao wameomba kujenga nyumba za kupumzikia katika maeneo kadhaa ya vivutio yaliyoko katika mikoa ya Katavi na Rukwa.
“Ni Imani yetu kuwa hawa ambao watajenga hizi nyumba za kupumzikia watahitaji watalii wa kuja kuzitumia hivyo kwa kuwatumia wao tunaweza kutangaza maeneo yetu haya ya utalii,” Alimalizia.
Aliamua kueleza mikakati hiyo baada ya Mkuu wa Mkoa wa Rukwa kamishna Mstaafu Zelote Stephen kuongelea shauku yake ya kutaka nchi na dunia nzima ifahamu maporomoko ya mto Kalambo ambayo yanapatikana mpakani mwa Tanzania na Zambia.
Hayo yalisemwa wakati Mh. Zelote alipokuwa akitoa historia fupi ya mkoa kabla ya Mh. Magembe kuanza ziara yake ya siku tano katika mkoa wa Rukwa.
Waziri wa maliasili na Utalii Mh. Prof. Jumanne Maghembe (Mb) akitoa maelezo mbele ya mkuu wa mkoa wa rukwa Kmaishna mstaafu Zelote Stephen (aliyekaa) ofisini kwa Mkuu wa mkoa.

Tuesday, August 1, 2017

RC Rukwa azionya Halmashauri dhidi ya matumizi mabovu ya mashine za EFD

Mkuu wa Mkoa wa Rukwa Kamishna Mstaafu Zelote Stephen amezionya halmashauri zote mkoani Rukwa kuhakikisha wanazitumia vizuri manshine za EFD kwa kuongeza mapato katika halmashauri zao.

Ametoa onyo hilo kwenye kikao maalum cha kujibu hoja za ukaguzi wa hesabu za serikali kwa madiwani wa  Manispaa ya Sumbawanga katika kumalizia ziara yake maalum kwa halmashauri zote mkoani humo kujua namna Halmashauri zilivyojipanga ili hoja hizo zisijirudie miaka inayofuata.  

Akiongea huku akionesha risiti alizozikamata katika maeneo mbalimbali ya mauzo alisema kuwa serikali inafanya kila liwezalo katika kuhakikisha inakusanya maopato lakini bado kuna watumishi wanatafuta namna ya kuiskosesha serikali mapato hayo.
Mkuu wa Mkoa wa Rukwa Kamishna Mstaafu Zelote Stephen akionesha risiti ambazo zimeshakatwa kabla ya matumizi.

“katika kila sehemu za mauzo lazima mashine hizi ziwepo na kuwepo sio mtindo huu (akionesha msururu wa risiti zilizokatwa tayari kwa matumizi) hizi nimezikamata maeneo anajua Mkurugenzi, asubuhi watu wanagawana, ndio mchezo uliopo, pamoja na jitihada tunazofanya bado watu wanatafuta mbinu za kuiba, hii sio kwamba nimeleta iwe mfano, hapana, nimezikamata na mfahamu kuwa mimi ni mtaalamu wa kukamata,”Alisema.

Katika Kusisitiza suala la uwazi wa matumizi ya fedha za halmashauri kwa waheshimiwa madiwani Mh. Zelote alitaja majukumu kadhaa ya Mkurugenzi wa Halmashauri na kusema kuwa moja ya kazi za Mkurugenzi ni kuhakikisha kuwa madiwani wanapata taarifa za fedha za halmashauri.

“Hapa mmezungumza na mmenionyesha kwa kiasi kikubwa kwamba hamnazo taarifa na nikiangalia kazi moja wapo ya waheshimkwa madiwani ni kiusimamia matumizi ya fedha za halmashauri zao sasa mtasimamiaje ikiwa hamna taarifa,” Alisema

Na kukumbusha kuwa Mkurugenzi ndio katibu wa kamati ya fedha ya halmashauri lakini na kuonya kuwa kamati hiyo ibebe sura ya halmashauri na sio sura ya kamati na kuwasisitiza kufuata taratibu nyingine za ikiwa kurudisha mrejesho kwa wengine juu ya mipango na maazimio yaliyofikiwa.

Katika kikao hicho Mh. Zelote alimtambulisha mtaalamu wa TEHAMA ili awaelezee waheshimiwa madiwani namna mifumo ya fedha inavyofanya kazi ili nao wawe na uelewa mpana katika kufuatilia mapato na matumizi ya halmashauri.

“Suala la kukusanya mapato limekuwa likiimbwa asubuhi, mchana na usiku, kuwa tuhakikishe tunajipanga vyema kukusanya mapato ya halmashauri kwa kupitia utaratibu uliopo, suala la kutumia hizi mashine sio la kuhoji tena mwisho ulikuwa mwezi wa tatu ndio agizo lililopo kwa wakurugenzi kuwa mashine hizi ziwepo na zinafanya kazi,” Alisema

Na katika kuhakikisha kuwa vitabu hivyo havipati nafasi Mh. Zelote alitoa siku saba vitabu hivyo kurudishwa maghalani na kuongeza kuwa watumishi wanaokiuka miiko ya kazi zao kuwajibishwa kulingana na madhara waliyosababisha na kuwaasa kujenga uaminifu katika utumishi ndani ya halmashauri.

“Sitaki kusikia tena kuwa kwenye mkoa wangu kuna halmashauri inanyooshewa kidole, mmeshanyooshewa kidole mara moja sitaki kuona tena hicho kidole,” alimalizia.

Kwa upande wake Kaimu Mkuu wa Wilaya ya nSumbawanga Mh. Julieth Binyura alishanngazwa na wataalamu hao kushindwa kudhiti hoja na hatimae wao kuwa chanzo kikuu cha kuzalisha hoja.

“Mtu kama unaitwa mtaalamu na serikali imekuamini kwanini tena unaizalishia serikali hoja, na suala la fedha ni suala nyeti sana hivyo linahitaji umakini wa haloi ya juu ili kuhakikisha wananchi wanapata huduma inayostahili na si vinguinevyo,” Alisema.


Akifunga kikao hicho Mstahiki meya wa Manispaa ya Sumbwanga Mh. Justin Malisawa alimuahidi Mkuu wa Mkoa kusimamia yale yote aliyoyaelekeza na kuomba msaada wake pindi pale watakapokwama. 

Monday, July 31, 2017

RC Rukwa aagiza operesheni ya usafi wa vyoo wilaya nzima

Mkuu wa Mkoa wa Rukwa Kamishna Mstaafu Zelote Stephen amemuagiza afisa afya wa wilaya ya Kalambo kuhakikisha anakagua usafi wa vyoo na maeneo yanayo zunguka nyumba kwa wilaya nzima ili kujiepusha na ugonjwa wa Kipindupindu katika Wilaya hiyo.

Ametoa agizo hilo katika mkutano na wananchi siku ya usafi wa mwisho wa mwezi maarufu kama “Magufuli Day” baada ya Mkuu huyo kukagua nyumba 12, maduka ya wafanyabiashara pamoja na soko katika makao makuu ya wilaya hiyo huku nia ikiwa ni kutaka kujua hali ilivyo wanakojisaidia, wanakohifadhi taka pamoja na hali ya upatikanaji wa maji katika eneo hilo.

Katika ukaguzi huo amebaini kuwa wananchi wengi husafisha nje ya nyumba tu huku nyuma ya majumba yao hali ikiwa mbaya jambo ambalo hupelekea kuibuka kwa kipindupindu na kuisababishia serikali kuwa katika wakati mgumu kwa magonjwa ambayo yanaweza kuzuilika endapo usafi utazingatiwa.



“Leo nilipenda nione usafi wa matai, nimeuona na nimetoa “marks” 60, Nimepita karibu maeneo mbali mbali, usafi mnaoufanya ni wakuficha uchadu kidogo, huku mbele kusafi lakini nyuma kuchafu sana, nawaomba hilo mlirekebishe” Alisema.

Pia aliishauri halmashauri hiyo ya kalambo kuweza kusimamia sharia za usafi zilizopo bila ya huruma ili kuleta mabadiliko na kuitaka halmashauri hiyo kutenga fedha za makusanyo ya ushuru ili kuweza kuboresha hali ya usafi katika mji huo.

Mwezi mmoja uliopita Wilaya hiyo ilikumbwa na ugonjwa wa kipindupindu na kuua mtu mmoja na kuwaacha wengine ishirini katika hali mbaya jambo ambalo serikali haitaki ijirudie.

“Juzi hapa kulitokea kipindupindu kule Kijiji cha Samazi, hapana hatutaki watu wafe kwa kipindupindu, sasa nimeona choo kinamwaga maji machafu kinyesi kinatoka nje bata wanapokea wanakula, hatupo salama,” Alimalizia.


Pamoja na hayo Mh. Zelote alisisita kuwa usafi ni wa kila siku si lazima kusubiri jumamosi ya mwisho wa mwezi na kueleza kuwa siku hiyo imewekwa maalum ili kuwakumbusha wananchi kuwa wanahitajika kufanya usafi maeneo wanayofanyia biashara pia na ku wa usafi ni muhimu. 

Naibu Waziri wa Elimu aagiza walemavu wajengewe vyoo vyao Kantalamba

Naibu Waziri wa Elimu Mhandisi Stella Manyanya amemuagiza msimamizi wa ukarabati wa shule ya Sekondari Kantalamba kuhakikisha kuwa walemavu wanajengewa vyoo vyao ndani ya mabweni wanamolalia nia ikiwa ni kujiepusha na kuwaamsha wenzao usiku pindi wanapotaka kwenda chooni.

Ametoa agizo hilo leo jumapili (30/7/2017) muda mfupi baada ya kufanya ukaguzi wa ukarabati wa shule hiyo iliyopo Wilayani Sumbawanga iliyopewa Shilingi Bilioni 1.1 ikiwa ni mpango wa serikali wa kuzirudishia hadhi shule kongwe nchini huku shule hiyo ikiwa ni ya tangu 1964.

Naibu Waziri wa Elimu Eng. Stella Manyanya akiongea na wanafunzi wa Shule ya Sekondari Kantalamba wilayani Sumbawanga 

“Lazima muhakikishe kwamba Mnakuwa na vyumba maalum kwaajili ya wanafunzi wenye ulemavu na kuwawekea miundombinu hasa kwa wale walemavu ambao mazingira yao ni magumu Zaidi, kwa mfano mwanafunzi ana ulemavu wa miguu na anatakiwa kwenda chooni hapaswi kutambaa kwenye mikojo ya wanafunzi wenziwe hii inawapelea wao kuwa katika mazingira hatarishi zaidi,” Alisema.

Mbali na agizo hilo pia Mhandisi Manyanya ametoa wiki tatu ukarabati wa shule hiyo kumalizika baaada ya muda waliopangiwa kumalizika huku kipaumebele kikiwa ni kuhakikisha wanafunzi wanaendelea na masomo yao katika hali ya utulivu.

“Sijaridhishwa na kasi ya ukarabati huu hivyo tumewaongezea wiki tatu mhakikishe mnamaliza ili wanafunzi waendelee na masomo maana yake kama mngekuwa hamwezi kumaliza kwa wakati kwanini msingesema mapema,” Alisisitiza.

Aidha alipokuwa anakagua bwalo la kulia wanafunzi aliagiza kutanuliwa kwa bwalo hilo baada ya kuona kuwa bwalo hilo ni dogo na wanafunzi ni wengi kiasi ambacho ingewabidi wanafunzi hao kula kwa zamu ili wote waweze kulitumia bwalo hilo na kuongeza kuwa ukarabati unaofanyika ni pamoja na utanuzi wa majengo kwani ukubwa wa jengo lililopo ni wa tangu 1964 na sasa ni 2017.


Kabla ya kumaliza ziara yake shuleni hapo aliwasisitizia wanafunzi kuwa nia ya Serikali ya awamu ya tano ni kuhakikisha kuwa hakuna tofauti kati ya shule za serikali na shule binafsi kuanzia huduma za majengo, elimu na vifaa vya kusomea. 

Thursday, July 27, 2017

RC Rukwa ashirikisha wapinzani katika harambee ya ujenzi wa kituo cha afya

Katika kuendeleza dhana ya maendeleo hayana chama Mkuu wa Mkoa wa Rukwa Kamishna Mstaafu Zelote Stephen amewashirikisha madiwani wa chama cha CHADEMA katika harambee ya ghafla iliyolenga kumalizia ujenzi wa jengo la huduma za afya ya uzazi na mtoto katika kituo cha afya Mazwi, Manispaa ya Sumbawanga.

Harambee hiyo ilifanyika muda mfupi kabla ya Mh. Zelote Kukabidhi jumla ya vitanda vya kujifungulia 16, vitanda vya wagonjwa 80, magodoro 80 pamoja na mashuka 200 kwa wakuu wa wilaya ikiwa ni sehemu ya mgawo wa vifaa hivyo uliofanyika nchi nzima kupitia juhudi za Rais Dk. John Pombe Magufuli katika kuimarisha huduma za uzazi nchini.
Kuanzia kushoto - Mh. Zelote Stephen Kushoto, Meya wa
Manispaa Mh. Justin Malisawa, Mwenyekiti wa Halmashauri ya Wilaya ya
Sumbawanga Kalolo Ntila, Diwani kata ya Majengo, Mh.Dickson Mwanandenje
(CHADEMA),Diwani kata ya Msua Mh. Vitalius Ulaya (CHADEMA), Diwani kata ya
Lwiche Mch.Gerson Lupinduko (CHADEMA),Diwani kata ya Mazwi Mh. Juma
Selemani (CCM) Mwenyekiti CCM Sumbawanga Mjini Mwikala

Akiongea mbele ya wananchi waliohudhuria katika tukio hilo Mh. Zelote alisema kuwa serikali ya awamu ya tano sio ya maongezi bali vitendo hivyo kuwataka waheshimiwa madiwani sita wakiwemo watatu wa CHADEMA wakiongozwa na Meya wa Manispaa ya Sumbawanga kuchangia ujenzi wa jengo hilo jipya ili kuboresha huduma kwa wananchi waliowachagua.

“Ili Manispaa iwe jiji tunahitaji huduma bora katika kituo hiki hivyo basi, Mimi Mkuu wa Mkoa wa Rukwa, Zelote Stephen nachangia tani tano za “cement” ambayo ni mifuko 100,” alitangulia kusema.
Harambee hiyo ilikusanya ahadi ya vifaa vyenye thamani ya shilingi milioni 5.5 huku jengo hilo likiwa limegharimu Shilingi Milioni 16 hadi kusimama.

Awali akisomewa taarifa kabla ya kuzindua huduma ya kujifungua iliyoanza tarehe 1/7/2017 katika kituo hicho afisa muuguzi Mariam Kidya alieleza kuwa jengo lililopo la huduma ya afya ya uzazi na mtoto lina uwezo wa kuhudumia kina mama 2,327 lakini kwa mwaka 2016/2017 limeweza kuhudumia kina mama 31,257 jambo lililopelekea kuanzisha ujenzi wa jengo jipya ili kuimarisha utoaji wa huduma kwa akina mama.
Maigizo yakiendelea mbele ya Mgeni Rasmi (hayupo pichani) katika kituo cha afya Mazwi, Muda mfupi kabla ya kukabidhi vifaa vya afya 


Aidha Mh. Zelote aliwasisitiza wananchi kuendelea kulipa kodi ili kuendelea kuboresha huduma na kuleta maendeleo katika sekta mbalimbali nchini na kuonya kuwa wale watakaolipishwa ili kupata huduma ya afya ya uzazi na mtoto basi wafike ofisini kwake ili achukue hatua.

“Ndio maana Mheshimiwa Rais amesisitiza sana watu tulipe kodi wote ili kutatua kero mbalimbali za wananchi hususan watu wa hali ya chini.  Nataka nisisitize ulipaji wa kodi ili kazi kama hii na zingine zifanyike.

Kwa upande wake mganga mkuu wa mkoa Dk. Boniface kasululu alipokuwa akisoma taarifa ya huduma ya afya na uzazi ya mkoa, alisifu uamuzi wa Rais Dk. John Pombe Magufuli wa kununua vifaa hivyo kupitia bohari kuu ya dawa (MSD) kwani changamoto hizo zimekuwa zikiwasumbua kwa muda mrefu kuanzia ngazi ya mkoa hadi katika halmashauri.


“Sekta ya afya kukabiliwa na changamoto kadhaa kubwa ikiwa ni upungufu wa vifaa na vifaa tiba muhimu na ufinyu wa miundombinu ya kutolea huduma kwa maana ya majengo, hivyo tunapongeza juhudi za rais wetu mpendwa kutupatia vifaa hivi na tunaahidi kuvitunza ili viweze kuwasaidia kina mama wa mkoa wetu,” Alisema. 

Wednesday, July 26, 2017

Wanaosababisha hoja za ukaguzi wachukuliwe hatua - RC Rukwa

Mkuu wa Mkoa wa Rukwa Kamishna Mstaafu Zelote Stephen ameagiza kuchukuliwa hatua kwa wale wote watakaosababisha kuibuka kwa hoja za ukaguzi wa Hesabu za serikali katika Halmashauri zao.

aliyasema hayo alipohudhuria kwenye baraza maalum la madiwani la kujadili na kujibu hoja 147 za mkaguzi wa hesabu za serikali nchini kwa mwaka wa fedha 2015/2016 katika Halmashauri ya Wilaya ya Nkasi.
Mkuu wa Mkoa wa Rukwa Kamishna Mstaafu Zelote Stephen akitoa nasaha katika baraza la madiwani la kujadili hoja za ukaguzi wa hesabu za serikali kwa mwaka 2015/2016. 
Akinukuu barua ya maagizo aliyoyatoa tarehe 4/5/2017 Mkuu wa Mkoa alisema kuwa kila mamlaka ya nidhamu ichukue hatua za kinidhanmu kwa mujibu wa sharia kwa watumishi ambao wamesababisha hoja za ukaguzi kwa uzembe au kwa kutotekeleza majukumu yao ipasavyo na taarifa juu ya hatua hizo apelekewe.

“Kwenye hoja zilizojibiwa ningependa sana hoja ziwe na data zinazoeleweka na za uhakika, na kuacha kitu kinachoitwa tunaendelea kuishughuilikia, iseme tumefikia wapi, sio tunaendelea, Hakuna kinachoendelea, lazima kupiga hatua kuondoka kwenye hoja hiyo, nimesikia kuwa kuna watu wamechukuliwa hatua lakini sijaziona,” Mh. Zelote alibainisha.

Aidha alibainisha kuwa wapo watu waliofanya madudu na wanapaswa kuchukuliwa hatua na kutowaachia kwani kufanya hivyo hakutasaidia kufutika kwa hoja na kusisitiza kuwa waliosababisha hoja watafutwe popote walipo ili warudi kujibu hoja walizoziibua.

Hata hivyo, Mh. Zelote ameusifu uongozi wa Halmashauri ya Wilaya ya Nkasi kwa kuweka misingi imara iliyowapelekea kupata hati safi kwa mwaka wa fedha 2015/2016 na kuwaasa kumtumia mkaguzi mkaazi wa mkoa pamoja na wakaguzi wa ndani kutoka ofisi yake ili kuzuia hoja zisitokee.

“Ni halmashauri pekee katika Mkoa huu ambayo imepata hati safi, kwa hilo niwapongeze sana, angalau mmenitoa kimasomaso, sijui ingekuwaje kama ingekuwa ni zote zimepata hati yenye mashaka,” Alisema.
Baadhi ya Waheshimiwa madiwani wakimsikiliza Mkuu wa Mkoa wa Rukwa Kmaishna Mstaafu Zelote Stephen
Na kuagiza kuwa hoja zote zilizo ndani ya uwezo wa mkoa zisijitokeze tena kwakuwa halmashauri zote zina mfumo unaojumuisha kanuni, sharia na taratibu lazima mambo hayo yasimamiwe kikamilifu.

Awali akimkaribisha Mkuu wa Mkoa Mwenyekiti wa halmashauri ya Wilaya ya Nkasi Mh. Zeno Mwanakulya alisema kuwa lengo la halmashauri ni kuhakikisha kuwa hoja hizo zinafutika na hazijirudii.

“Lengo la Halmashauri ni kuhakikisha kwamba tunazifuta hoja zote, ndio lengo letu kubwa kwahiyo wakati tunachangia lazima tujiulize kwanini hoja hizi zimejitokeza, Je, zilikuwa na sababu ya kutokea, basi ni vizuri kama wawakilishi wa wananchi tuweke msisitizo hoja hizo zifutwe” Alisema.
Na pia aliahidi kuyafanyia kazi maelekezo yote yaliyotolewa na Mkuu wa Mkoa ili kuhakikisha kuwa Halmashauri hiyo inaendelea kupata hati safi.

Kwa upande wake Mkuu wa Wilaya ya Nkasi Mh. Said Mtanda alibainisha kuwa hoja zinasababishwa na uzembe wa watumishi katika kutekeleza majukumu yao na kukumbusha kuwa mwaka wa fedha 2014/2015 kulikuwa na hoja 80 ukilinganisha na mwaka wa fedha 2015/2016 wenye hoja 147.


“Kila mtu katika eneo lake akiwajibika hakutakuwa na hoja kwasababu Hakuna hoja isiyo na majibu, wakaguzi wanachotaka ni majibu, ukishawaridhisha kwa kuweka kumbukumbu zako vizuri, hoja haiwezi kujitokeza,” alimalizia. 

Monday, July 24, 2017

MKE WA WAZIRI MKUU AWASIHI WANAFUNZI KUTOKATISHA MASOMO

MKE wa Waziri Mkuu Mama Mary Majaliwa amewasihi wanafunzi wa kike nchini kujiepusha na vitendo vinavyoweza kusababisha kukatisha masomo yao.

Amesema ni vema wanafunzi hao wakatumia muda wao vizuri kwa kusoma kwa mfululizo kutoka kiwango kimoja cha taaluma kwenda kingine.

Mama Mary aliyasema hayo jana (Jumapili, Julai 23, 2017) alipozungumza na wanafunzi wa shule ya Sekondari Vwawa wilayani Mbozi.

MKE wa Waziri Mkuu Mama Mary Majaliwa
Mke wa Waziri Mkuu ambaye ameambatana na Waziri Mkuu Kassim Majaliwa katika ziara ya mkoa Songwe, aliwaasa wanafunzi hao kutumia wakati huu kwa kusoma kwa bidii na kujiepusha na vitendo viovu.

“Nawasihi mtumie muda huu kusoma kwa bidii ili muweke msingi imara kwa ajili ya kujenga maisha yenu ya baadae. Msikatishe masomo yenu.”

Mama Mary aliongeza kwamba “utumieni muda huu vizuri ili msije mkaujutia baadae, kwani wakati ni mali ukipita umepita.”

Alisema ni vizuri wakasoma hadi chuo kikuu na kwamba wasikimbilie kufanya mambo yasiyowahusu kwa sasa kwani mshika mawili moja lazima limponyoke.

Mke wa Waziri Mkuu alisema wanafunzi hao wakisoma hadi elimu ya juu watakuwa na uwezo wa kutambua jambo lipi ni jema na lipi ni baya.

“Kilichonifurahisha zaidi ni kwa sababu mimi pia ni mwalimu kwa hiyo inavyoona wanafunzi wako vizuri kama hivi nafurahi sana, hivyo nawaomba msome kwa bidii.”

Serikali imetunga sheria kali dhidi ya watu wanaosababisha watoto wa kike kukatisha masomo yao kwa kuwapa mimba au kuwaoa.

(mwisho)
IMETOLEWA NA:
OFISI YA WAZIRI MKUU,
JUMATATU, JULAI 24, 2017

Sunday, July 23, 2017

RC Rukwa asikitishwa na utendaji wa Halmashauri ya wilaya ya Sumbawanga

Mkuu wa Mkoa wa Rukwa Kamishna mstaafu Zelote Stephe amesikitishwa na kitendo cha halmashauri ya wilaya ya Sumbawanga mkoani Rukwa kuwa na hoja za kujibu zipatazo 60 ambazo zimesababisha halmashauri hiyo kupata hati ya mashaka wakati halmashauri hiyo imeajiri watumishi wenye uwezo wa kuepusha jambo hilo lisijitokeze.
Akizungumza katika kikao cha baraza la dharula la madiwani Jana Mkuu huyo wa mkoa alisema kuwa anasikitishwa sana na kitendo hicho kwani wataalamu hao wameajiriwa huku serikali ikiwa inamatumaini kuwa ni watu wenye uwezo sasa zinapotokea hoja hizo yeye binafsi zinamsikitisha sana.
Mkuu wa Mkoa wa Rukwa Kamishna Mstaafu Zelote Stephen akitoa maelekezo kwa madiwani na watendaji wa Halmashauri ya Wilaya ya Sumbawanga. 

Alisema kuwa halmashauri hiyo haipaswi kuwa na huruma na watu wote waliosababisha hoja hizo kwani wanaoumia ni wananchi kutokana na baadhi ya watendaji kusababisha hali hiyo ambayo inapelekea halmashauri kupata hati ya mashaka na hata chafu na yeye akiwa ni Mkuu wa mkoa hatakubaliana na hilo.
"Binafsi nachukizwa sana na hali hii, siipendi hata kidogo kwani inaumiza na kuonekana hatuna watendaji wenyeuwezo, abadani sitakubali hali hii katika mkoa wangu labda uwe mkoa mwingine," Alisema.
Aliongeza kuwa madiwani wanapaswa Kutambua kuwa wao ndio taa ya halmashauri, kwani wakilegalega na halmashauri ikiendelea kupata hati ya mashaka wajue watakwenda kujibu wenyewe kwa wananchi ambao wamewatuma kuwawakilisha ili kuleta maendeleo katika halmashauri. 
Kwa upande wake mwenyekiti wa Halmashauri ya Wilaya ya Sumbawanga Mh.Kalolo Ntila alisema kuwa hoja hizo hazikutokana na baraza lililopo hivi sasa, na hata Mkurugenzi aliyopo hivi sasa na kuahidi kuwa wale wote waliosabaisha hoja hizo lazima watafutwe popote waliopo na kuchukuliwa hatua.
" hatutawaacha watu hawa bali tunazipitia hoja moja baada ya nyingine na kuzitolea majibu,lakini zile ambazo kitakuwa na matatizo ni lazima waliopo sababu sha wasakwe popote walipo na hatua dhidi yao zichukuliwe" alisema
Awali akizungumza katika baraza hilo la madiwani Mkaguzi mkazi na mdhibiti wa hesabu za serikali John Nalwambwa alisema kuwa ofisi yake ilibaini kuwepo kwa hoja 60 zenye utata ambapo hoja 25 kati ya hizo ndizo zilizopelekea kupata hati ya mashaka.
Alisema kuwa kuna fedha zaidi ya shilingi milioni 40 ambazo hazieleweki vizuri matumizi yake na baadhi ya vitabu vya makusavyo vikiwa vimepotea na hivyo nilazima ifahamike hatma ya suala hilo.
Alisema kuwa ofisi yake imefanya kazi kwa weledi mkubwa bila kuonea mtu na ndiyo imebaini hayo hivyo basi ni jukumu la halmashauri kuona ni jinsi gani itajibu hoja hizo ili zisijirudie tena.

"Wananchi tujitolee Damu" Dk. Kigwangala

Naibu Waziri wa Wizara ya Afya Dk. Hamis Kigwangala amesikishwa na hali ya hospitali ya mkoa wa Rukwa kukosa damu ya kutosha kusaidia wagonjwa pindi dharura inapotokea.

Masikitiko hayo aliyatoa baada ya kufanya ukaguzi katika Hospitali ya Rufaa ya Mkoa katika ziara yake ya siku moja ambapo alitembelea hospitali hiyo pamoja na vituo vya afya vitatu vya Laela Wilayani Sumbawanga, Wampembe na Nkomolo vya Wilaya ya Nkasi.
Dk. Hamis Kigwangala (kushoto) akiongea na Kaimu Mkuu wa Wilaya ya Sumbawanga Mh. Julieth Binyura pamoja na watumishi wa Hospitali ya Mkoa wa Rukwa. 

“Nimesikitishwa na changamoto ya upatikanaji wa damu, kwanza mna units chache mlipaswa kuwa na units karibu 120 ili kuendana na idadi ya watu milioni 1.2 wa mkoa mzima, lakini kwa bahati mbaya hamna hata damu moja ambayo imekuwa “screened” na tayari kwa matumizi, hii inasikitisha sana lakini kwa ujumla maabara iliyopo ni nzuri sana, kuna mapungufu machache sana kwenye “theatre” na pia nimefurahishwa na “labour ward” iko vizuri sana.

Dk. Kigwangala alibainisha kuwa changamoto ya upatikanaji wa damu ipo katika kanda ya nyanda za juu kusini na kuahidi kulishughulikia jambo hilo huku akiwaasa wananchi kuweza kujitokeza kwa wingi kuchangia damu na si kukaa vipembeni na kulalamika pindi wanapokosa damu hospitali wakati wanashindwa kujitolea damu.

“Mimi binafsi najitolea damu mara tatu kwa mwaka, wananchi tunatakiwa kujitolea damu ili kuweza kuwasaidia wale wanaohitaji, huwezi jua inaweza kumsaidia ndugu, jirani ama rafiki, hivyo tuwe na moyo wa kujitolea.” Alisema.

Katika ziara yake hiyo mambo aliyoyapa kipaumbele ni kuangalia huduma za maabara, vyumba vya upasuaji, vyumba vya kuzalia pamoja na akiba ya damu salama, ambapo vituo hivyo vilionekana kufanya vizuri katika maeneo hayo.

Huduma ya maji katika vituo hivyo ilioneka kuwa ni kikwazo katika upatikanaji wa huduma bora hivyo Dk. Kigwangala aliwaagiza wakurugenzi wa Sumbwanga Vijijini pamoja na Halmashauri ya Nkasi kuhakikisha jambo hilo linatafutiwa ufumbuzi wa haraka kwa kutambua umuhimu wa maji na ubora wa huduma za afya.

Dk. Kigwangala hakutaka ziara hiyo iwe ya kiutendaji pekee hivyo alikutana na wananchi wa maeneo ya Laela pamoja naWampembe na kuwapa nafasi ya kueleza vikwazo wanavyokutana navyo katika kupata huduma bora ya afya.

Ndipo alipojitokeza ndugu Nassoro Ibrahim na kutaka kufahamu nafasi ya walemavu katika kupata huduma bure kama ilivyo katika makundi ya wazee, watoto na wajawazito, “Naomba Serikali ituangalie na sisi walemavu tunnapata shida sana maana wenzetu wazee, watoto na kinamama wanasaidiwa,”Alisema.


Katika kujibu swali hilo Dk. Kigwangala alimtaka mlemavu huyo kuonana na uongozi ili aweze kufuata taratibu za kuweza kutibiwa bure lakini alimuahidi kuwa serikali ipo katika mkakati kuona namna ambayo wanaweza kuwasaidia walemavu katika kupata huduma bure.